Babri Masjid Dispute did not do justice: بابری مسجد کیس میں سپریم کورٹ کا فیصلہ سیکولرازم کے لیے انصاف کا مذاق تھا:جسٹس نریمن

سپریم کورٹ کے سابق جج جسٹس روہنٹن نریمن نے ملک بھر میں ایک کے بعد ایک مساجد کے خلاف مقدمات درج ہونے  کے سلسلے کو روکنے کا طریقہ تجویز کیا ہے۔ انہوں نے کہا کہ اگرچہ ایودھیا کیس میں سپریم کورٹ کا فیصلہ سیکولرازم کے لیے انصاف کا مذاق تھا، لیکن 1991 کے عبادت گاہوں کے قانون کو برقرار رکھنے والے فیصلے کے پانچ صفحات امید کی کرن ہیں۔ انہوں نے کہا کہ فیصلے کے وہ پانچ صفحات ملک بھر کی نچلی عدالتوں اور ہائی کورٹس میں پڑھائے جائیں۔جسٹس نریمن نے مزید کہا کہ ایودھیا تنازعہ پر آئینی بنچ کے فیصلے کے وہ پانچ صفحات ملک بھر میں جاری قانونی چارہ جوئی کا جواب ہیں، جس  میں مندروں پر مبینہ طور پر تعمیر کی گئی مساجد کا سروے کرنے کی کوشش کی جارہی ہے۔  رپورٹ کے مطابق، جسٹس نریمن نے کہا کہ ‘ یہی آئینی بنچ اس پر پانچ صفحات خرچ کرتا ہے اور کہتا ہے کہ یہ سیکولرازم میں یہ درست ہے، جو بنیادی ڈھانچے کا حصہ ہے کہ  آپ پیچھے نہیں دیکھ سکتے، آپ کو آگے دیکھنا ہوگا۔

جسٹس نریمن احمدی فاؤنڈیشن کے افتتاحی لیکچر سے خطاب کررہے تھے جو ہندوستان کے 26ویں چیف جسٹس جسٹس عزیز مشبر احمدی کی یاد میں قائم کیا گیا ہے۔ رپورٹ کے مطابق ان کا مزید کہنا تھا کہ ان پانچ صفحات کو ملک کی ہر ڈسٹرکٹ کورٹ اور ہائی کورٹ میں پڑھا جانا چاہیے تاکہ مختلف مذہبی ڈھانچوں کے خلاف ایسے دعوؤں کو روکا جا سکے۔مساجد کے نیچے مندر ہونے کا دعویٰ کرنے کے واقعات مسلسل سامنے آرہے ہیں۔ اجمیر میں بھی ایسا ہی مطالبہ دوبارہ اٹھایا گیا ہے۔ یہ ریاست اور ملک کےقدیم ترین درگاہ میں سے ایک ہے۔ اجمیر کے ڈپٹی میئر نیرج جین نے دعویٰ کیا ہے کہ یہاں سنسکرت کالج اور مندر کے ثبوت ملے ہیں۔

رپورٹ کے مطابق جسٹس نریمن نے اپنے خطاب میں کہا کہ 1991 کا ورشپ ایکٹ  عبادت گاہوں کو اسی طرح مستحکم رکھتا ہے جیسا کہ وہ 15 اگست 1947 کے وقت تھے۔ انہوں نے کہا کہ  ‘آج ہم دیکھ رہے  ہیں کہ  جیسے پورے ملک میں ہائیڈرا ہیڈز ابھر رہے ہیں،اسی طرح  ہر جگہ مقدمات درج ہو رہے ہیں، نہ صرف مساجد کے حوالے سے بلکہ درگاہوں کے حوالے سے بھی۔ ان سب کو روکنے اور ان تمام ہائیڈرا ہیڈز کو جلانے کا ایک ہی طریقہ ہے کہ ان پانچ صفحات کو ہر فیصلے پر عمل میں لایا جائے اور اسے ہر ڈسٹرکٹ کورٹ اور ہائی کورٹ کے سامنے پڑھا جائے۔ کیونکہ یہ پانچ صفحات سپریم کورٹ کی طرف سے قانون کا اعلان ہیں جو ان سب پر لازم ہے۔

دوران خطاب 2019کے فیصلے کا حوالہ دیتے ہوئے جسٹس نریمن نے مسجد کے انہدام کو غیر قانونی قرار دینے کے باوجود رام مندر کے لیے متنازعہ زمین دینے کے لیے عدالت کی طرف سے دیے گئے استدلال پر عدم اطمینان کا اظہار کیا۔انہوں نے کہا کہ مسجد بذات خود 1528 میں بنی تھی۔ پھر یہ مسجد مسجد کے طور پر جاری ہے جب تک کہ 1853 میں کوئی مصیبت نہیں آئی۔ یہ پہلی بار کی مصیبت  نہیں ہے،جب 1858 میں ایسٹ انڈیا کمپنی  نے اس کو سنبھالا تو اندرونی اور بیرونی صحن کے درمیان انگریزوں نے ایک دیوار بنائی، اندرونی صحن مسجد کا احاطہ تھا اور باہر کا صحن حدود سے بالکل باہر تھا۔ اس برطانوی دیوار کے بعد، دونوں طرف سے عبادت کی جاتی تھی، لہذا باہر کے صحن میں ہندوؤں نے اور اندرونی صحن میں مسلمانوں کی طرف سےعبادت کی جاتی تھی۔لہذا، یہ ایک ریکارڈ شدہ حقیقت ہے کہ 1857 سے لے کر 1949 تک دونوں طرف عبادت کی گئی۔1949 میں 50-60 لوگوں نے مسجد پر دھاوا بولا اور بت رکھ دیے، جس کے نتیجے میں تمام مسلمانوں کی نمازیں بند ہو گئیں۔

آرکیالوجیکل سروے آف انڈیا کی 2003 کی رپورٹ کا حوالہ دیتے ہوئے جسٹس نریمن نے مزید وضاحت کی کہ اے ایس آئی کو مختلف گروہوں سے تعلق رکھنے والے نوادرات ملے جن میں شیویت، بدھ اور جین شامل ہیں۔ انہوں نے اس بات پر زور دیا کہ سپریم کورٹ نے ایک اہم فیصلہ کیا ہے کہ “بابری مسجد کے ڈھانچے کے  نیچے کوئی رام مندر نہیں تھا۔یہ پتہ لگانے کے باوجود کہ مسلمان 1857 سے 1949 تک نماز پڑھ رہے تھے، عدالت نے کہا کہ وہ یہ نہیں کہہ سکتے کہ وہ خصوصی ملکیت میں تھے اور یہ فریق متنازع تھا۔ قانون، جو کہ 1857، 1934 اور 1940 میں 3 مرتبہ عدالت کا فیصلہ ہے۔ اس کا مطلب کچھ بھی ہو، ہم یہ نہیں کہہ سکتے کہ ان کے پاس اندرونی حصے پر خصوصی قبضہ ہے جوکہ اب مجموعی طور پر ہندوؤں کا ہے۔

انہوں نے مزید کہا کہ ایک اور بہت اہم دریافت۔ ہر باریہ ہندو فریق  کی طرف سے وکالت کی گئی کہ اس کی تلافی کیلئے ہم انہیں اپنے طور پر مسجد بنانے کے لیے کچھ زمین دے دیں گے، یہ انصاف کے ساتھ بہت بڑا دھوکہ تھا، جو ان فیصلوں سے سیکولرزم کا حق بالکل بھی ادا نہیں ہوا۔جسٹس نریمن نے یہ بھی بتایا کہ بابری انہدام کی سازش سے متعلق فوجداری مقدمے میں، جس جج نے سب کو بری کر دیا تھا، انہیں ریٹائرمنٹ کے بعد اتر پردیش کے یوپی اے لوک آیوکت کے طور پر مقرر کیا گیا تھا۔ انہوں نے افسوس کا اظہار کرتے ہوئے کہا کہ ہمارے ملک کا یہی حال ہے۔

بھارت ایکسپریس۔