Atiq Ahmed-Ashraf Ahmed Shot Dead: عتیق احمد اور اشرف احمد کا قتل، پولیس نے کیا کہا؟

Atiq Ahmed-Ashraf Ahmed Shot Dead: سابق رکن پارلیمنٹ عتیق احمد اور اس کے بھائی اشرف احمد کا گولی مار کر قتل کرنے کے معاملے میں پولیس کا بیان آیا ہے۔ اترپردیش پولیس کے آئی جی نے کہا کہ تینوں حملہ آور میڈیا اہلکار بن کر آئے تھے۔ اس دوران تین لوگوں نے فائرنگ کردی، جس میں کہ نیوز ایجنسی اے این آئی کا ایک کیمرہ مین بھی زخمی ہوا ہے۔

حالانکہ آئی جی نے تینوں حملہ آوروں کے نام نہیں بتائے اور انہوں نے کہا کہ پوچھ گچھ چل رہی ہے۔ وہیں پولیس کمشنر رمت شرما نے کہا کہ ایف آئی آر جانکاری کے مطابق ایک پولیس اہلکار کو بھی گولی لگی ہے۔

اسی درمیان 17 پولیس اہلکار معطل کردیئے گئے ہیں۔ گولہ باری کے حادثہ کا ویڈیو میں نظر آرہا ہے کہ پولیس دونوں کو اسپتال لے جا رہی تھی اور اس دوران میڈیا اہلکار ان کے ساتھ چل رہے تھے۔ حملہ آور عتیق احمد اور اس کے بھائی کے پاس آئے اور گولی چلا دی۔ واضح رہے کہ دو دن پہلے یعنی جمعرات (13 اپریل) کو ہی جھانسی میں پولیس تصادم میں عتیق احمد کا بیٹا اسد مارا گیا تھا۔

پریاگ راج کی سرحد کی گئی سیل

پریاگ راج کی سرحدوں کو سیل کردیا ہے۔ ڈی جی پی نے اقلیتی اکثریتی اضلاع کے کپتانوں سے بات کی اور انہیں محتاط رہنے کا حکم دیا۔ وزیر اعلیٰ یوگی آدتیہ ناتھ نے پریاگ راج پولیس کمشنر کو کسی بھی شرپسندوں سے سختی سے نمٹنے کو کہا ہے۔

یہ بھی پڑھیں: Atiq Ahmed Shot Dead: عتیق احمد اور اشرف کے قتل سانحہ کی عدالتی جانچ ہوگی، وزیراعلیٰ یوگی نے کیا یہ اعلان

 عدالتی جانچ کمیشن کا اعلان

اترپردیش واقع پریاگ راج میں عتیق احمد اور اشرف احمد کے قتل کے بعد وزیراعلیٰ یوگی آدتیہ ناتھ نے اہم اعلان کیا ہے۔ وزیراعلیٰ نے اس معاملے میں عدالتی کمیشن کا اعلان کیا ہے۔ ایک بیان میں کہا گیا- اترپردیش کے وزیراعلیٰ یوگی آدتیہ ناتھ نے پریاگ راج کے حادثہ کا نوٹس لیا۔ بتایا گیا ہے کہ وزیراعلیٰ یوگی آدتیہ ناتھ نے فوری طور پراعلیٰ سطحی میٹنگ بلائی اور پورے معاملے کی اعلیٰ سطحی جانچ کے احکامات دیئے۔ وزیراعلیٰ نے تین رکنی جوڈیشیل کمیشن (عدالتی جانچ کمیشن) کی تشکیل کے احکامات بھی دیئے۔ تینوں حملہ آور موقع پر پکڑے گئے ہیں۔ پولیس معاملے کی جانچ کر رہی ہے۔