مرکزی وزیر اشونی ویشنو کی سالگرہ کے موقع پر وزیر اعظم نریندر مودی سمیت مرکزی کابینہ کے کئی وزراء اور مختلف ریاستوں کے وزرائے اعلیٰ نے انہیں مبارک باد پیش کی۔ وزیر اعظم مودی نے اپنے پیغام میں اشونی ویشنو کی قیادت، کام کے انداز اور ملک میں ڈیجیٹل تبدیلی کے لیے ان کی خدمات کی بھرپور تعریف کی۔ انہوں نے کہا کہ اشونی ویشنو ملک کے بنیادی ڈھانچے کو مضبوط بنانے میں اہم کردار ادا کر رہے ہیں، جو ’وکست بھارت‘ کے وژن کو حقیقت میں بدلنے میں مددگار ثابت ہوگا۔
سوشل میڈیا پر خصوصی پیغام
وزیر اعظم مودی نے سوشل میڈیا پلیٹ فارم ایکس (X) پر لکھا کہ اشونی ویشنو کو سالگرہ کی مبارک باد۔ انہوں نے کہا کہ اشونی ویشنو نہ صرف بنیادی ڈھانچے کی ترقی میں پیش پیش ہیں بلکہ ٹیکنالوجی، اختراع (انوویشن) اور مستقبل کے شعبوں کو نئی رفتار دینے کے لیے بھی قابلِ ستائش کوششیں کر رہے ہیں۔ وزیر اعظم نے ان کی طویل، صحت مند اور کامیاب زندگی کے لیے نیک تمناؤں کا اظہار بھی کیا۔
مرکزی وزراء نے بھی نیک خواہشات کا اظہار کیا
وزیر اعظم کے پیغام کے بعد مرکزی کابینہ کے کئی وزراء نے بھی اشونی ویشنو کو مبارک باد دی۔ مرکزی وزیر نتن گڈکری، لوک سبھا اسپیکر اوم برلا اور مرکزی وزیر جتیندر سنگھ نے ان کی بہترین صحت اور درازیٔ عمر کی دعا کی۔ مرکزی وزیر جیوتیرادتیہ سندھیا نے بھی انہیں مبارک باد دیتے ہوئے کہا کہ ان کی قیادت میں بھارتی ریلوے، ڈیجیٹل انڈیا اور اطلاعات و نشریات کے شعبوں میں مسلسل نئی کامیابیاں حاصل ہو رہی ہیں، جو ملک کی ترقی کا واضح ثبوت ہیں۔
وزرائے اعلیٰ نے جدید ترقیاتی اقدامات کی تعریف کی
گجرات کے وزیر اعلیٰ بھوپیندر پٹیل اور آسام کے وزیر اعلیٰ ہمنتا بسوا سرما نے بھی اشونی ویشنو کے لیے خصوصی پیغامات جاری کیے۔ بھوپیندر پٹیل نے کہا کہ بھارتی ریلوے کی جدید کاری، سیمی کنڈکٹر اور الیکٹرانکس مینوفیکچرنگ کے شعبوں میں بھارت کو عالمی مرکز بنانے کی سمت میں اشونی ویشنو کی کوششیں قابلِ تعریف ہیں۔ ہمنتا بسوا سرما نے بھی اطلاعات و نشریات اور جدید ٹیکنالوجی کے شعبے میں ان کی خدمات کو سراہتے ہوئے ان کی طویل اور کامیاب زندگی کے لیے دعا کی۔
خدمات کو ملی قومی سطح پر پذیرائی
اشونی ویشنو کو موصول ہونے والی مبارک باد کے پیغامات نے ایک بار پھر یہ واضح کیا کہ ریلوے کی جدید کاری، ڈیجیٹل انڈیا اور سیمی کنڈکٹر مشن جیسے اہم منصوبوں میں ان کی خدمات کو قومی سطح پر سراہا جا رہا ہے۔ مختلف سیاسی لیڈر نے انہیں مستقبل کے بھارت کی تعمیر میں ایک اہم کردار ادا کرنے والا لیڈر قرار دیا۔
بھارت ایکسپریس اردو۔
امرتسر نارتھ کے رکنِ اسمبلی کنور وجے پرتاپ سنگھ نے پنجاب اسمبلی کے اسپیکر کلتار…
انفورسمنٹ ڈائریکٹوریٹ (ای ڈی) کا یہ مقدمہ رام پور میں ’مولانا محمد علی جوہر ٹرسٹ‘…
نیوزی لینڈ میں وراٹ کوہلی نے اب تک مجموعی طور پر 11 ون ڈے میچ…
کینیڈا کے ساتھ تجارتی مذاکرات کے حوالے سے ٹرمپ نے کہا کہ دونوں ممالک کے…
سمندری طوفان موراسو کے پیش نظر چنئی کے تمام اسکولوں میں پیر کے روز تعطیل…
حادثے کی ایک خوفناک ویڈیو بھی سامنے آئی ہے۔ کاروں میں بیٹھے لوگوں نے طیارے…