Ashura 2023: دنیا بھر میں عقیدت و احترام سے منایاجارہا ہے یوم عاشورہ

محرم الحرام اسلام کے مقدس ترین مہینوں میں سے ایک ہے جب دنیا بھر کے مسلمان پیغمبر اسلام حضرت محمدﷺ کے نواسے حسین ابن علی کی شہادت کے سوگ میں جلوس نکالتے ہیں، جو 680 عیسوی میں کربلا کی جنگ میں جام شہادت نوش فرمائے تھے۔ کربلا موجودہ وقت میں ملک عراق میں واقع ہے۔  آج  محرم الحرام کی دسویں تاریخ ہے۔ آج کے دن کویوم عاشورہ بھی کہا جاتا ہے۔ محرم کی دسویں تاریخ کو پیغمبر اسلام کے نواسے امام حسینؓ ظالم حکمران یزید کے ساتھ جنگ ​​کربلا میں شہید ہوئے۔ اس دن امام حسین کی شہادت کو یاد کرتے ہوئے شیعہ برادری کے لوگ ماتمی جلوس نکالتے ہیں اور سڑکوں پر تعزیہ کرتے ہیں۔

محرم کا چاند نظر آنے کے بعد شیعہ برادری کے لوگ پورا مہینہ سوگ مناتے ہیں۔ اس دوران وہ سرخ اور چمکدار کپڑوں  کے استعمال سے گریز کرتے ہیں ۔ محرم کے پورے مہینے میں شیعہ مسلمان کسی قسم کی خوشی نہیں مناتے  ہیں۔

کربلا میں ظالم حکمران سے امام حسینؓ کی جنگ

اسلامی تاریخ سے متعلق کتاب کے مطابق کربلا کی جنگ تقریباً 1400 سال قبل ہوئی تھی۔ یہ اسلام کی سب سے بڑی جنگ ہے۔ اس جنگ میں امام حسینؓ دین محمدیﷺ کی حفاظت کرتے ہوئے شہید ہوئے۔ کربلا کی یہ جنگ ظالم حکمران یزید کے خلاف تھی۔ دراصل یزید دین اسلام کو اپنی مرضی کے مطابق چلانا چاہتا تھا۔ اسی وجہ سے یزید نے پیغمبر اسلام کے نواسے امام حسین سے بھی کہا کہ وہ ان کا حکم مانیں۔ یزید نے حکم دیا کہ امام حسین اور ان کے تمام ساتھی یزید کو اپنا خلیفہ مانیں۔ یزید چاہتا تھا کہ اگر امام حسین کسی طرح اسے اپنا خلیفہ تسلیم کر لیں تو وہ آرام سے اسلام کے ماننے والوں پر حکومت کر سکتے ہیں۔

تاہم یہ فرمان پیغمبر اسلام کے نواسے امام حسینؓ کے لیے قابل قبول نہیں تھا۔ امام حسین نے اس سے صاف انکار کر دیا۔ اس پر یزید کو بہت غصہ آیا اور امام حسین اور ان کے ساتھیوں کو اذیتیں دینا شروع کر دیں۔

10 محرم کو یزید کی فوج نے کربلا میں حسین اور ان کے ساتھیوں پر حملہ کیا۔ یزید کی فوج بہت مضبوط تھی جبکہ حسین کے قافلے میں صرف 72 لوگ تھے۔

امام حسینؓ دین کی حفاظت کرتے ہوئے اپنی آخری سانس تک یزید کے لشکر کا مقابلہ کرتے رہے۔ اس لڑائی میں حسین کے 18 سالہ بیٹے علی اکبر، 6 ماہ کے بیٹے علی اصغر اور 7 سالہ بھتیجے قاسم کو بھی بے دردی سے قتل کر دیا گیا۔