Asaduddin Owaisi: اویسی نے حیدرآباد لوک سبھا سیٹ سے پانچویں بار کامیابی حاصل کی، مودی لہر کے باوجود 2014 اور 2019 میں بھی درج کی تھی جیت

Asaduddin Owaisi: اے آئی ایم آئی ایم کے صدر بیرسٹر اسد الدین اویسی نے حیدرآباد پارلیمانی حلقہ سے مسلسل پانچویں بار کامیابی حاصل کی۔ جہاں 2019 اور 2024 کے انتخابات میں حیدرآباد سیٹ سے بی جے پی کی ضمانت ضبط ہوگئی تھی۔ اسد الدین اویسی کو اس بار حیدرآباد لوک سبھا سیٹ سے کل 6,61,981 ووٹ ملے اور انہوں نے بی جے پی کی مادھوی لتا کو 3,38087 ووٹوں سے شکست دی۔ اس سے پہلے 2019 کے انتخابات میں، اویسی نے 58.95 فیصد کے کل ووٹ شیئر کے ساتھ کامیابی حاصل کی تھی۔

چار بار رکن پارلیمنٹ اور آل انڈیا مجلس اتحاد المسلمین کے سربراہ اسد الدین اویسی 2004 سے یہاں مسلسل لوک سبھا انتخابات جیت رہے ہیں۔ اس سے قبل 2004 کے انتخابات میں اویسی نے 1,00,145 ووٹوں کے فرق سے کامیابی حاصل کی تھی۔ جبکہ مجموعی ووٹ 37.39 فیصد کے ساتھ جیت گئے۔ اویسی کی اے آئی ایم آئی ایم پارٹی 2004 سے مسلسل لوک سبھا انتخابات جیت رہی ہے۔ تاہم 2009 کے لوک سبھا انتخابات میں 1,13,865 ووٹ پول ہوئے تھے۔ وہ 2004 کے مقابلے میں 13 ہزار زیادہ ووٹ لے کر کامیاب ہوئے۔ مجموعی ووٹ 42.14% کے ساتھ جیتے۔

2014 کے لوک سبھا انتخابات میں مودی کی زبردست لہر تھی۔ اس کے باوجود اسد الدین اویسی 2 لاکھ 2 ہزار 454 ووٹوں سے الیکشن جیت گئے۔ وہیں، اویسی نے کل 52.94 فیصد ووٹوں کے ساتھ کامیابی حاصل کی۔ تاہم 2004 سے 2014 تک ووٹ شیئر میں 15 فیصد اضافہ ہوا۔ اے آئی ایم آئی ایم کے سربراہ اسد الدین اویسی نے سال 2019 میں لگاتار چوتھی بار تلنگانہ کی حیدرآباد لوک سبھا سیٹ جیتی تھی۔ اویسی 2004 سے یہ سیٹ جیت رہے تھے۔ اویسی نے 2019 کے لوک سبھا انتخابات میں بی جے پی کے جے بھگونت راؤ کو 2.82 لاکھ ووٹوں کے فرق سے شکست دی تھی۔ وہیں، اویسی نے کل 58.9 فیصد ووٹوں کے ساتھ کامیابی حاصل کی۔

یہ بھی پڑھیں- Samastipur Lok Sabha Election Result 2024: بہار کی شمبھاوی چودھری بنیں ملک کی سب سے کم عمر رکن پارلیمنٹ،کانگریس کے امیدورا کو بڑے فرق سے دی شکست

اے آئی ایم آئی ایم کے امیدوار اسد الدین اویسی نے تلنگانہ کی حیدرآباد لوک سبھا سیٹ سے پانچویں بار کامیابی حاصل کی۔ اس دوران انہوں نے بی جے پی امیدوار مادھوی لتا کو 3 لاکھ 38 ہزار ووٹوں سے شکست دی۔ وہیں، اس بار اویسی نے 61.8 فیصد کے بھاری ووٹوں کے ساتھ الیکشن جیتا ہے۔

-بھارت ایکسپریس