Asaduddin Owaisi says Jai Palestine: بسم اللہ پڑھ کر اسدالدین اویسی نے پارلیمنٹ میں اٹھایا حلف، جاتے جاتے کہہ گئے، ’جے فلسطین‘

اسدالدین اویسی نے حیدرآباد لوک سبھا سیٹ سے مسلسل پانچویں بار جیت درج کی ہے۔ اسدالدین اویسی کو اس بار کل 6,61,981  ووٹ ملے اورانہوں نے بی جے پی کی مادھوی لتا کو3,38087  ووٹوں سے ہرایا ہے۔ اس سے پہلے 2019 کے الیکشن میں اسدالدین اویسی نے کل 58.95 ووٹ شیئرکے ساتھ جیت درج کی تھی۔ اسدالدین اویسی حیدرآباد لوک سبھا سیٹ سے پہلی بار 2004 میں الیکشن جیت کرپارلیمنٹ پہنچے تھے۔ اس کے بعد انہوں نے 2009, 2014, 2019 اور 2024 میں اپنی جیت کا سلسلہ جاری رکھا ہے۔

پہلے دن وزیراعظم مودی نے اٹھایا تھا حلف

واضح رہے کہ 18ویں لوک سبھا کے پہلے سیشن کی شروعات پیر (24 جون) کو ہوئی، جس میں وزیراعظم نریندر مودی، ان کی کابینہ کونسل کے اراکین کے ساتھ ہی دیگر نو منتخب اراکین پارلیمنٹ نے ایوان کے رکن کے طورپرحلف لیا۔ کارگزار صدر (پروٹم اسپیکر) بھرت ہری مہتاب نے ایوان کی کارروائی کا آغازکیا اوراراکین پارلیمنٹ کو حلف دلوایا۔ وزیراعظم مودی حال ہی میں ہونے والے لوک سبھا الیکشن کے بعد مسلسل تیسری بار اقتدار میں لوٹے ہیں۔ وزیراعظم مودی اور ان کی کابینہ نے 9 جون کو حلف لیا تھا۔