اسدالدین اویسی نے جمعہ کی نماز کے وقت باندھی کالی پٹی، مسلمانوں سے پھر کی یہ بڑی اپیل

آل انڈیا مجسل اتحاد المسلمین (اے آئی ایم آئی ایم) کے سربراہ اور حیدرآباد کے رکن پارلیمنٹ اسدالدین اویسی نے پہلگام دہشت گردانہ حملے کے خلاف کالی پٹی باندھ کر احتجاج کیا۔ انہوں نے اس سے پہلے ہندوستانی مسلمانوں سے اپیل کی تھی کہ وہ جب نمازجمعہ ادا کرنے جائیں تو اپنے ہاتھوں پر کالی پٹی باندھ کر جائیں تاکہ پہلگام میں لشکرطیبہ کے ذریعہ کئے گئے دہشت گردانہ حملے کے خلاف پُرامن احتجاج کیا جاسکے۔ اویسی نے خود بھی حیدرآباد کے شاستری پورم پرانا شہر کی مسجد میں نمازجمعہ سے پہلے کالی پٹی باندھ کراحتجاج کیا۔

اسدالدین اویسی نے مسلمانوں سے بڑی اپیل کرتے ہوئے کہا کہ جیسا کہ آپ سب جانتے ہیں کہ پہلگام میں لشکرطیبہ کے دہشت گردوں نے 26 سے زیادہ ہمارے ہم وطنوں کی جان لے لی اورکئی لوگ زخمی ہیں۔ اپنی جان بچانے کے لئے لڑائی لڑرہے ہیں۔ اس دہشت گردانہ اوروحشیانہ جرم کے خلاف میری آپ تمام سے گزارش کی ہے کہ کل آپ سبھی کالی پٹی باندھ کرجمعہ کی نمازادا کریں تاکہ ہم دہشت گردوں کے پیغام دے سکیں کہ ہم ان کے اس وحشیانہ حرکت کی مذمت کرتے ہیں۔

محبوبہ مفتی نے کی عوام سے یہ اپیل

پیپلزڈیموکریٹک پارٹی (پی ڈی پی) کی سربراہ اورجموں وکشمیرکی سابق وزیراعلیٰ محبوبہ مفتی نے جمعہ کے روزکشمیرکے مذہبی لیڈران سے اپیل کی کہ وہ پہلگام دہشت گردانہ حملہ کے متاثرین کے لئے دعائیں کریں۔ انہوں نے کہا کہ پورے طبقہ کومتحد ہوکرمہلوکین کے لئے اورعلاقے میں امن وامان کے لئے دعائیں کرنی چاہئے۔

سری نگرجامع مسجد میں اجتماعی نمازادا کرنے کی اجازت

محبوبہ مفتی نے حریت کانفرنس کے صدر اورکشمیرکے سری نگرجامع مسجد کے امام میرواعظ عمرفاروق کویہاں افسران کے ذریعہ جامع مسجد میں اجتماعی نمازادا کرنے کی اجازت دینے کے فیصلے کا استقبال کیا۔ انہوں نے سوشل میڈیا پرکہا کہ اس گہرے مایوس کن حالات میں میرواعظ عمرفاروق کوجامع مسجد میں نمازکی قیادت کرنے کی اجازت دینا ایک بے حد ضروری اورقابل تحسین قدم ہے۔