Delhi Congress President: دہلی کانگریس میں لوک سبھا الیکشن 2024 سے پہلے بڑی تبدیلی، اروندر سنگھ لولی کو بنایا گیا صدر

Delhi Congress News: کانگریس نے دہلی پردیش کے نئے صدرکا اعلان کردیا ہے۔ پارٹی نے انل چودھری کی جگہ اب سابق ریاستی صدر اورپارٹی کے سینئر لیڈراروندرسنگھ لولی کو یہ ذمہ داری سونپی ہے۔ اس بابت کانگریس نے سوشل میڈیا سائٹ ایکس (ٹوئٹر) پربھی جانکاری دی۔ نے ایک پوسٹ میں لکھا- کانگریس صدر نے اروندرسنگھ لولی کو فوری اثرسے دہلی پردیش کانگریس کمیٹی کا صدرنامزد کیا ہے۔ اروندرسنگھ لولی کی سکھ طبقے کے ساتھ ساتھ مسلمانوں میں بھی اچھی پکڑمانی جاتی ہے۔

کے سے وینو گوپال کے دستخط سے جاری ایک پریس ریلیزمیں کہا گیا ہے کہ کانگریس کے صدرملیکا ارجن کھڑگے نے اروندرسنگھ لولی کو فوری اثرسے دہلی پردیش کانگریس کمیٹی کا صدرنامزد کیا ہے۔ پارٹی موجودہ صدرانل چودھری کی کوششوں اوران کے تعاون کی تعریف کرتی ہے۔ اروندرسنگھ لولی اب انل چودھری کی جگہ لیں گے۔ بتایا جاتا ہے کہ یہ فیصلہ لوک سبھا الیکشن 2024 کے پیش نظرلیا گیا ہے۔ سابق رکن اسمبلی انل چودھری کو مارچ 2020 میں دہلی کانگریس کی ذمہ داری دی گئی تھی۔

سال 2017 میں دہلی میونسپل کارپوریشن الیکشن سے ٹھیک پہلے وہ بی جے پی میں چلے گئے تھے، لیکن گزشتہ لوک سبھا الیکشن سے پہلے کانگریس میں گھرواپسی کرلی۔ لولی کو کمان دے کرکانگریس نے دہلی کے سکھ رائے دہندگان کو اپنی طرف کھینچنے کی کوشش کی ہے۔ اہم یہ بھی ہے کہ اروندرسنگھ لولی عام آدمی پارٹی کے ساتھ کانگریس کے اتحاد کے حق میں مانے جاتے ہیں۔

اروندرسنگھ لولی کے پاس طویل سیاسی تجربہ ہے۔ وہ اس سے قبل بھی دہلی کے ریاستی صدر کی ذمہ داری نبھا چکے ہیں۔ وہ سابق وزیراعلیٰ شیلا دکشت کی حکومت میں وزیربھی رہ چکے ہیں۔ شیلا دکشت کی حکومت میں انہیں وزارت شہری ترقیات (اربن ڈیولمپنٹ منسٹر) وزارت تعلیم (ایجوکیشن منسٹری) اوروزارت نقل وحمل (ٹرانسپورٹ منسٹری) کی ذمہ داری ملی تھی۔

سال 2017 میں دہلی میونسپل کارپوریشن الیکشن سے ٹھیک پہلے وہ بی جے پی میں چلے گئے تھے، لیکن گزشتہ لوک سبھا الیکشن سے پہلے کانگریس میں گھرواپسی کرلی۔ لولی کو کمان دے کرکانگریس نے دہلی کے سکھ رائے دہندگان کو اپنی طرف کھینچنے کی کوشش کی ہے۔ اہم یہ بھی ہے کہ اروندرسنگھ لولی عام آدمی پارٹی کے ساتھ کانگریس کے اتحاد کے حق میں مانے جاتے ہیں۔

یہ بھی پڑھیں: Lok Sabha Election 2024: انڈیا اتحاد کی تیسری میٹنگ سے پہلے مایاوتی نے دیا بڑا جھٹکا، لوک سبھا الیکشن 2024 اکیلے لڑنے کا اعلان

اروندرسنگھ لولی کا سیاسی کیریئر

اروندرسنگھ لولی پردیش کانگریس کمیٹی کے سابق صدر رہ چکے ہیں۔ اس کے علاوہ وہ چار بار رکن اسمبلی بھی رہے ہیں۔ اروندر سنگھ لولی نے دہلی میں شیلا دکشت کی قیادت والی حکومتوں میں شہری ترقیات، محصولات، تعلیم اور ٹرانسپورٹ جیسے اہم محکموں کی ذمہ داری سنبھال چکے ہیں۔ سال 2019 کے لوک سبھا الیکشن میں مشرقی دہلی حلقہ سے قسمت آزمائی کی تھی، لیکن وہ گوتم گمبھیر سے الیکشن ہارگئے تھے۔ اروندر سنگھ لولی کالج میں تعلیم حاصل کرنے کے دوران سے ہی سیاست میں سرگرم تھے۔ بعد میں انہیں 1990 میں دہلی یوتھ کانگریس کے جنرل سکریٹری کے طورپر منتخب کیا گیا اور پھر 1992 سے 1996 تک نیشنل اسٹوڈنٹ یونین آف انڈیا (این ایس یوآئی) کے جنرل سکریٹری کے طور پرکام کیا۔ سال 2017 میں انہوں نے کچھ وقت کے لئے پارٹی سے اپنا ناطہ توڑلیا اور اپریل 2017 میں بی جے پی میں شامل ہوگئے تھے، لیکن کچھ ماہ کے بعد وہ یہ کہتے ہوئے کانگریس میں لوٹ آئے کہ وہ بی جے پی میں نظریاتی طور پر نامناسب ہیں۔