Arvind Kejriwal News: مغربی بنگال کے نتائج کا ذکر کرتے ہوئے اروند کیجریوال کا بڑا بیان، ”جیت کیسے سکتے ہو، جب سارے…“

اروند کیجریوال نے مزید کہا، ”اسی طرح سے انہوں نے بہارکے اندرکیا۔ اسی طرح سے انہوں نے مہاراشٹرکے اندرکیا۔ اسی طرح سے میری اپنی اسمبلی سیٹ، جب میں جیل گیا اس سے پہلے اس اسمبلی میں ایک لاکھ 48 ہزارووٹ تھے۔ جب میں لوٹ کرآیا توایک لاکھ 6 ہزارووٹ بچے تھے۔ 42 ہزارووٹ انہوں نے 6 ماہ کے اندرکٹوا دیئے۔ میں گزشتہ بار30 ہزارووٹوں سے جیتا تھا۔ 42 ہزارووٹ کٹوا دیئے، میں تین ہزارووٹوں سے ہارگیا۔ جیت کیسے سکتے ہو، جب سارے ہی ووٹ کٹوا دیں گے۔ اس کے بعد توکچھ بھی نہیں بچا۔“

اروند کیجریوال نے کہا، ”جس دہلی اوربنگال میں بی جے پی ”مودی لہر“ کے عروج پرنہیں جیت پائی۔ 2015 میں دہلی میں اور 2016 میں بنگال میں ان کی 3-3 سیٹیں آئیں۔ اس دہلی اور بنگال کو بی جے پی نے تب جیت لیا، جب مودی جی کی مقبولیت پورے ملک میں نیچے  جارہی ہے۔“ دہلی کے سابق وزیراعلیٰ اروند کیجریوال نے یہ بھی کہا کہ ملک بھرمیں یہی افراتفری جاری ہے۔ آج جمہوریت بحران کا شکارہے۔ جس آزادی کومحفوظ کرنے کے لئے ہمارے شہداء نے اپنی جانیں قربان کیں، وہ خطرے میں ہے۔