قومی

Delhi AQI in ‘severe’ category: دہلی-این سی آر میں ہوا کا معیار ’سنگین‘ زمرے میں درج، سی اے کیو ایم ذیلی کمیٹی نے گریپ 3 لاگوں نہیں کرنے کا کیا فیصلہ

نئی دہلی: دہلی-این سی آر میں اتوار کو دھند کی ایک موٹی سفید چادر چھائی رہی۔ دارالحکومت کے کئی علاقوں میں ایئر کوالٹی انڈیکس (AQI) انتہائی خراب زمرے میں ریکارڈ کیا گیا، جبکہ کچھ مقامات پر یہ صورتحال اور بگڑ گئی جہاں اے کیو آئی ’سنگین‘ سطح پر پہنچ گیا۔ اتوار صبح دہلی کا روزانہ اوسط اے کیو آئی ’انتہائی خراب‘ زمرے کے آس پاس رہا، جس کے بعد سی اے کیو ایم (کمیشن فار ایئر کوالٹی مینجمنٹ) کی ذیلی کمیٹی نے اتوار شام 4 بجے ایک جائزہ میٹنگ بلائی۔

میٹنگ میں موسمی پیش گوئیوں کا لیا جائزہ

میٹنگ میں دہلی-این سی آر کی موجودہ فضائی آلودگی کی صورتحال اور آئی ایم ڈی (ہندوستانی محکمہ موسمیات) و آئی آئی ٹی ایم کی جانب سے فراہم کردہ موسمی پیش گوئیوں کا جائزہ لیا گیا۔ اس دوران کمیٹی نے نوٹ کیا کہ صبح 10 بجے دہلی کا فی گھنٹہ اوسط اے کیو آئی 391 تھا، جو شام 4 بجے کم ہو کر 370 رہ گیا۔

دہلی کے اوسط اے کیو آئی میں مسلسل سدھار

دہلی کے اوسط اے کیو آئی میں مسلسل بہتری دیکھی جا رہی ہے۔ شام 4 بجے یہ 370 رہا، اور شام 5 بجے مزید گھٹ کر 365 ہو گیا۔ حالانکہ، آئی ایم ڈی اور آئی آئی ٹی ایم نے پیش گوئی کی کہ آنے والے دنوں میں دہلی کا مجموعی اے کیو آئی ’انتہائی خراب‘ زمرے میں برقرار رہے گا۔

GRAP فیز III نہیں کیا جائے نافذ

GRAP ذیلی کمیٹی نے کہا کہ اس وقت GRAP فیز III کو لاگو کرنے کی ضرورت نہیں ہے، اور NCR میں موجودہ GRAP شیڈول کے فیز I اور II کے تحت جاری اقدامات جاری رہیں گے۔ ذیلی کمیٹی نے کہا کہ وہ صورتحال پر قریبی نظر رکھے ہوئے ہے اور دہلی-این سی آر کے فضائی معیار کا مسلسل جائزہ لیتی رہے گی۔

دوسری جانب، آئی ایم ڈی کے مطابق آئندہ سات دنوں تک دہلی کا کم از کم درجہ حرارت تقریباً 13 ڈگری سیلسیس کے آس پاس رہے گا۔ فی الحال صبح و شام کی ٹھنڈی ہوائیں سردی میں اضافہ کر رہی ہیں۔ حالانکہ، بارش کا امکان نہیں ہے اور موسم میں دھند قائم رہنے کی پیش گوئی ہے۔

آئی ایم ڈی نے کہا کہ بڑھتی آلودگی کی بڑی وجہ گرتا درجہ حرارت ہے، جس سے ہوا بھاری ہو جاتی ہے اور رفتار کم ہو جاتی ہے، نتیجتاً آلودگی زمین کے قریب جمی رہتی ہے۔ اسی وجہ سے دھند اور اسموگ کا امتزاج گھنا دکھائی دیتا ہے۔ اس کے علاوہ، تعمیراتی سرگرمیاں اور گاڑیوں سے خارج ہونے والا دھواں بھی فضائی آلودگی کے بڑے اسباب میں شامل ہیں۔

بھارت ایکسپریس۔

Md Hammad

Recent Posts

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

6 minutes ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

44 minutes ago

Rajasthan Road Accident: راجستھان میں دو خوفناک سڑک حادثے، 12 افراد جاں بحق، ایک ہی خاندان کے 9 افراد کی موت

ابتدائی اطلاعات کے مطابق، حادثے کی ممکنہ وجہ ڈرائیور کو نیند کی جھپکی آنا بتائی…

2 hours ago

Delhi AQI Today: دہلی کی فضا میں گھلا زہر، کئی علاقوں میں سانس لینا دشوار، جانئے کہاں کتنا ہے اے کیو آئی

فی الحال دہلی-این سی آر میں گریڈیڈ رسپانس ایکشن پلان (جی آر اے پی) کے…

3 hours ago