Anand Dham celebrated the arrival of the New Year: نئے سال کے موقع پر آنند دھام میں خصوصی تقریب کا انعقاد، اچاریہ پرمود کرشنم بھی ہوئے شامل

سال نو2025 کی آمد کے موقع سے دہلی میں واقع آنند دھام میں ایک خاص تقریب کا اہتمام کیا گیا تھا ،جس میں کئی آشرموں کے ذمہ داروں نے شرکت کی۔دہلی کے آنند دھام میں نئے سال کے موقع سے منعقدہ  متحرک پروگراموں کے دوران سدھانشو جی مہاراج اور ڈاکٹر آرچیکا دیدی نے اہم مذہبی خطابات پیش کیے،ان کے خطابات سے عقیدت مندوں کے چہرے کھل اٹھے اور انہیں ایک طرح سے روحانی غذا مل گئی ۔

واضح رہے کہ نئے سال کے موقع سے منعقدہ اس پروگرام میں ایک طرف جہاں مذہبی رہنماوں نے ملک کی امن وسلامتی کیلئے دعائیں کی وہیں آشرم میں جمع ہونے والے عقیدت مندوں نے  نیک پربھات یگنا میں حصہ لیا اور ایک صحت مند، خوشگوار اور خوشحال نئے سال کے لیے پوجا ارچنا  کی۔ پروگرام میں آچاریہ پرمود کرشنم جی، چیرمین، شری کالکی دھام، سنبھل، اتر پردیش کی موجودگی  نے چار چاند لگادیا۔مہاراج شری اور دیدی جی نے آشرم میں ان کا پرتپاک استقبال کیا اور انہیں نئے سال 2025 کی مبارکباد دی۔

بھارت ایکسپریس۔