Amit Shah Madurai Visit: وزیر داخلہ امت شاہ نے مدورائی پہنچ کر میناکشی امّاں مندر میں کی پوجا، کہا-لوگوں کی بھلائی کے لیے مانگا ماں کا آشیرواد

مرکزی وزیر داخلہ امت شاہ نے اتوار کو تمل ناڈو کے مدورائی میں مشہور میناکشی امّاں مندر میں پوجا کی۔ سوشل میڈیا پلیٹ فارم X پر ایک پوسٹ میں امت شاہ نے کہا ’’خوش قسمت ہوں کہ آج مدورائی کے مشہور میناکشی امّاں مندر میں پوجا کی۔ قوم کی مسلسل ترقی اور ہمارے شہریوں کی بھلائی کے لیے ماں کا آشیرواد مانگا ہے‘‘۔

واضح رہے کہ وزیر داخلہ امت شاہ ہفتہ کی دیر شام کو تمل ناڈو کے مدورائی پہنچے ہیں۔ ریاستی بی جے پی قیادت بشمول بی جے پی لیڈر تملائی سوندرراجن، بی جے پی تمل ناڈو کے صدر نینر ناگیندرن نے ان کا استقبال کیا۔ دریں اثنا گزشتہ 11 سالوں میں خواتین کی زیرقیادت ترقی کو نئے سرے سے متعین کرنے کے لیے این ڈی اے حکومت کی کوششوں پر روشنی ڈالتے ہوئے امت شاہ نے کہا کہ بااختیار خواتین ہی ’آتم نربھر بھارت‘ (خود انحصار ہندوستان) کی بنیاد ہیں۔

’’ناری شکتی‘‘ کے لیے حکومت کے عزم کا کیا اعادہ

ایک الگ پوسٹ میں انھوں نے لکھا کہ ’’بااختیار خواتین خود انحصار ہندوستان کی بنیاد ہیں۔ مودی حکومت کے لیے ماں اور مادر وطن سے زیادہ اہم کوئی چیز نہیں ہے۔ ناری شکتی کے گیارہ سالوں میں مودی حکومت نے خواتین کو خود انحصار بنا کر ان کے حوصلے کو ایک نیا فروغ دیا ہے۔ ‘‘ اس سے قبل وزیر اعظم نریندر مودی نے بھی سوشل میڈیا پر پوسٹ کرتے ہوئے کہا کہ مختلف حکومتی اقدامات کا مقصد ملک کی ’’ناری شکتی‘‘ کو بااختیار بنانا ہے۔

واضح رہے کہ مودی حکومت کے گیارہ سال مکمل ہونے پر وزیر اعظم مودی اور دیگر سینئر پارٹی لیڈران اس دوران مختلف شعبوں میں حکومت کی کامیابیوں کو اجاگر کر رہے ہیں۔ آج جہاں ناری شکتی کی بات ہو رہی ہے، وہیں کل وزیر اعظم مودی نے کسانوں کے لیے حکومت کی خدمات پر روشنی ڈالی تھی۔ دریں انوپریہ پٹیل نے گزشتہ گیارہ برسوں میں صحت کے شعبے میں حکومت کی کامیابیوں کو اجاگر کیا ہے۔

یہ بھی پڑھیں: https://urdu.bharatexpress.com/national/the-picture-of-healthcare-services-has-changed-in-the-last-11-years-says-anupriya-patel-gm-180784

بھارت ایکسپریس اردو