Amit Shah in Madurai: وزیر داخلہ امت شاہ نے کی تمل ناڈو بی جے پی کور کمیٹی کی میٹنگ کی صدارت، ڈی ایم کے حکومت پر سادھا نشانہ

مرکزی وزیر داخلہ امت شاہ نے اتوار کو مدورائی میں تمل ناڈو بی جے پی یونٹ کی کور کمیٹی کی میٹنگ کی صدارت کی اور کہا کہ ریاست کے لوگ ڈی ایم کے حکومت کی ’’بڑے پیمانے پر بدعنوانی‘‘ سے تنگ آچکے ہیں۔ واضح رہے کہ سینئر بی جے پی لیڈر امت شاہ اگلے سال تمل ناڈو اسمبلی انتخابات کے حوالے سے لیے پارٹی کی تیاریوں کا جائزہ لینے اور انتخابی حکمت عملی کی تیاری کے لیے مدورائی پہنچے ہوئے ہیں۔

سوشل میڈیا پلیٹ فارم ’ایکس‘ پر ایک پوست میں امت شاہ نے لکھا ’’تمل ناڈو بی جے پی کی کور کمیٹی کی میٹنگ کی صدارت کی۔ تمل ناڈو کے لوگ ڈی ایم کے حکومت کی بڑے پیمانے پر بدعنوانی سے تنگ آچکے ہیں۔ بی جے پی کارکنان مودی جی کی قیادت والے این ڈی اے کے خوش حال اور ترقی یافتہ تمل ناڈو کے وژن کے ساتھ ہر علاقے، محلے اور گھر تک پہنچیں گے۔‘‘

اس سے قبل آج وزیر داخلہ امت شاہ نے مدورائی کے مشہور میناکشی امّاں مندر میں پوجا کی، جہاں پجاریوں نے روایتی انداز میں ان کا استقبال کیا اور انھیں شال کے ساتھ ساتھ روحانی کتابیں تحفے میں پیش کیں۔ امت شاہ نے لکھا ’’خوش قسمت ہوں کہ آج مدورائی کے مشہور میناکشی امّاں مندر میں پوجا کی۔ قوم کی مسلسل ترقی اور ہمارے شہریوں کی بھلائی کے لیے ماں کا آشیرواد مانگا ہے‘‘۔

بھارت ایکسپریس اردو