’’شریعت اور ہمارے وجود پرحملہ‘‘، یوسی سی اور وندے ماترم پر مسلم پرسنل لا بورڈ کے نائب صدر مولانا عبیداللہ خان اعظمی نے کہا- اب عوام کی عدالت میں جانا ہوگا

انہوں نے کہا کہ اتراکھنڈ جیسی ریاست میں یونیفارم سول کوڈ (یوسی سی) نافذ کرنا اورپورے ملک میں اس کی تیاری کا چلنا ہمارے شریعت پرسیدھا حملہ ہے۔ انہوں نے مطالبہ کیا کہ بغیرکسی تاخیرکے آل انڈیا مسلم پرسنل لا بورڈ کی ایمرجنسی میٹنگ بلائی گئی۔ دوٹوک الفاظ میں یہ کہنا چاہتا ہوں کہ اب محض رسمی کارروائیوں، رسمی بیانات اورکاغذی کارروائی کا وقت پوری طرح سے ختم ہوگیا ہے۔

عدالتی اورقانونی لڑائی سے متعلق بڑا بیان

مولانا عبداللہ خان اعظمی نے الزام لگاتے ہوئے کہا کہ دھارکی کمال مولا مسجد اوردیگرتاریخی مساجد اوروقف جائیداد پرتجاوزات اورانہیں برباد کرنے کا سلسلہ جاری ہے۔ یہ اطمینان کی بات ہے اورملک بھی اس بات کی سراہنا کرتا ہے کہ بورڈ ان معاملوں میں پوری مستعدی کے ساتھ عدالتی اورقانونی لڑائی لڑرہا ہے۔ لیکن ہمیں اس تلخ حقیقت کوقبول کرنا چاہئے کہ فاشزم کے اس طوفان کوصرف بند دروازے کی قانونی کارروائیوں سے نہیں روکا جا سکتا۔ موجودہ حالات میں جب نظام کے بہت سے ستون دباؤکا شکارنظرآتے ہیں توصرف عدالتوں پرانحصارکرنا مجرمانہ غفلت ہوگی۔

 بھارت ایکسپریس اردو-