یوپی میں جیت سے پُرجوش ہے سماجوادی پارٹی، 2027 کے لئے اکھلیش یادو نے دیا 300 پارکا نعرہ

سماجوادی پارٹی کے سربراہ اکھلیش یادو سیفئی واقع پارٹی دفتر میں اپنے کارکنان کو خطاب کررہے تھے۔ انہوں نے کہا کہ آئین کو بدلنے کے موضوع پرعوام نے ہمارا آپ کا تعاون کیا ہے، جس کی بدولت سماجوادی پارٹی اتنے بڑے مینڈیٹ کے ساتھ آج ملک کی تیسری پارٹی بن گئی ہے۔ انہوں نے کہا کہ بے شک این ڈی اے نے حکومت بنالی ہے، لیکن اس کے باوجود بھی ان کے چہروں پر خوشی نہیں دکھائی دے رہی ہے۔ جن لوگوں نے حلف لیا ہے، وہ خوش نہیں ہیں اور حکومت بنانے والے بھی خوش نظرنہیں آرہے ہیں۔ سب سے بڑی بات تو ہے کہ این ڈی اے کی حکومت بننے کے بعد عوام میں بھی خوشی کا احساس نہیں ہے۔

انڈیا الائنس کی حکومت بنتی کو کچھ نیا نظرآتا

اکھلیش یادو نے کہا کہ مرکزی میں حکومت بنانے والے کے چہروں پرخوشی نہیں دکھائی دے رہی ہے۔ اگر این ڈی اے کے بجائے انڈیا الائنس کی حکومت بنتی تو یقینی ہے کہ ضرور ملک میں کچھ نہ کچھ نیا ہوتا۔ واقعی میں اگرانڈیا الائنس کی حکومت بنتی تو عوام کو کچھ نہ کچھ ضرور نیا دیکھنے کو ملتا اور انڈیا الائنس ملک کے باشندوں کو کچھ نہ کچھ نیا ضرور دیتی۔ مرکز میں نوتشکیل تشدہ این ڈی اے حکومت سے ملک کے باشندوں کو کچھ بھی نیا نہیں ملنے والا ہے۔ دیکھئے یہ گنتی کی گنتی ہے، آنے والے دنوں میں اس کا اثرہوتا ہے۔

پہلی بارہارنے پر ہی مایوس ہوگئے بی جے پی لیڈر

بی جے پی کے لیڈر پہلی بارہارنے میں ہی پوری طرح سے مایوس ہوگئے ہیں جبکہ سماجوادیوں نے کئی ہار دیکھنے کے باوجود بھی مایوسی نہیں دکھائی ہے، یہ اصل میں سماجوادیوں کی نشانی ہے۔ جدوجہد کی بدولت کامیابی حاصل کرنا ہی اصل سماجواد ہے۔ انہوں نے کہا کہ اگرسماجوادیوں کی جیت کا سلسلہ اسی طرح چلتا رہا تو 2027 اترپردیش اسمبلی الیکشن میں بی جے پی کو زبردست ہار کا سامنا کرنا پڑے گا۔

  بھارت ایکسپریس۔