Khawaja Gharib Nawaz’s 813th Urs begins: اجمیر میں خواجہ غریب نواز کے 813ویں عرس کی شروعات، بلند دروازہ پر ہوئی پرچم کشائی

اجمیر: راجستھان کے اجمیر میں واقع درگاہ خواجہ معین الدین چشتی کی درگاہ پر پرچم کشائی کے ساتھ ان کی 813ویں عرس کی شروعات ہو گئی ہے۔ بھلواڑہ کے لال محمد گوری کے خاندان نے خواجہ غریب نواز کی درگاہ پر واقع تاریخی بلند دروازہ پر پرچم کشائی کی تقریب مکمل کی۔ پرچم کشائی کی تقریب میں ہزاروں کی تعداد میں عقیدت مند موجود تھے۔

درگاہ کے خادم حسن ہاشمی نے آئی اے این ایس سے خصوصی بات چیت میں عرس کے بارے میں جانکاری دی۔ انہوں نے بتایا کہ ’’درگاہ غریب نواز میں پرچم کشائی کی رسم صدیوں سے ادا کی جا رہی ہے، اس کے تحت آج بھی بلند دروازے پر پرچم لہرایا گیا اور اسے گوری خاندان نے مکمل کیا ہے۔‘‘

ان کا مزید کہنا تھا کہ ’’یہ منّت کا جھنڈا ہے جو ہر سال خواجہ غریب نواز کی درگاہ میں ایک عرصے سے چڑھایا جاتا ہے۔ آج سے عرس شروع ہو گیا ہے۔ خواجہ غریب نواز کی درگاہ سے ہم یہی پیغام دیتے ہیں، خواہ وہ کسی بھی مذہب سے تعلق رکھتے ہوں۔ ہمارا یہی ماننا ہے کہ وہ یہاں ائے اور اپنی مراد پوری کرے۔‘‘

دراصل، بھیلواڑہ کے گوری خاندان نے خواجہ غریب نواز کی درگاہ پر پرچم کشائی کی تقریب مکمل کرتا ہے۔ گوری خاندان کے مطابق یہ روایت کئی سالوں سے چلی آ رہی ہے۔ 1928 میں فخرالدین گوری کے پیر مرشد عبدالستار بادشاہ نے پرچم کشائی کی رسم شروع کی تھی۔ اس کے بعد 1944 سے یہ ذمہ داری ان کے دادا لال محمد گوری کو سونپی گئی۔ ان کی وفات کے بعد ان کے بیٹے معین الدین گوری نے 1991 سے یہ رسم ادا کی۔ حالانکہ، فخرالدین گوری 2007 سے یہ رسم ادا کر رہے ہیں۔

کہا جاتا ہے کہ برسوں پہلے جب بلند دروازہ پر جھنڈا لہرایا جاتا تھا تو یہ جھنڈا آس پاس کے علاقوں تک نظر آتا تھا۔ حالانکہ، وقت کے ساتھ ساتھ آبادی میں اضافہ ہوا اور مکانات کی تعمیر کی وجہ سے یہ منظر کم نظر آتا ہے۔

بھارت ایکسپریس۔