Ajit Pawar explain why left Sharad Pawar: مہاراشٹر کے نائب وزیراعلیٰ اجیت پوارنے پیرکے روزکارکنان اورعوام کے نام کھلا خط لکھ کر پالا بدلنے کی وجہ بتائی۔ اجیت پوار نے اس خط کو سوشل میڈیا پرشیئرکیا۔ خط میں انہوں نے کہا کہ بزرگوں کی توہین کرنے کا ان کا کوئی ارادہ نہیں تھا۔ انہوں نے کہا کہ ان کا طریقہ کاروزیراعظم مودی اور وزیر داخلہ امت شاہ سے ملتی جلتی ہے۔
اجیت پوارنے بتایا کہ مجھے وزیراعظم مودی اوروزیرداخلہ کی قیادت میں ہورہی ترقیاتی کاموں میں شریک بننا تھا۔ ان کے ملک کے مفاد کے لئے لئے گئے فیصلے صحیح اورقابل احترام ہیں۔ مجھے لگا کہ میں مستقبل میں اپنے وژن سے متعلق ان کے ساتھ صحیح طریقے سے کام کرپاؤں گا، اس لئے میں نے پالا بدل لیا۔ انہوں نے کہا کہ میں نے مہاراشٹر کی بھلائی کے لئے الائنس کا شراکت دار بننے کا فیصلہ کیا ہے۔
میرے دل میں ہمیشہ سے بڑوں کے تئیں احترام کا جذبہ رہا ہے۔ میرا جذبہ ہمیشہ اپنے ساتھیوں کو ساتھ لے کرچلنے اورانہیں آگے بڑھانے کی رہی ہے۔ آج بھی میں نے ریاست کے مفاد کے لئے اقتدارکے ساتھ جانے کا فیصلہ لیا۔ مجھے لگتا ہے کہ ریاست کی اقتدارمیں شراکت دار بن کرآپ اپنے اسمبلی حلقہ کے لئے زیادہ سے زیادہ کام کرسکتے ہیں۔ انہوں نے مزید کہا کہ نیشنلسٹ کانگریس پارٹی بغیرکسی شخص کی تنقید کے ترقی کا وژن ریاست کی عوام کے سامنے رکھے گی۔ اجیت پوارنے کہا کہ ان کا پالا بدلنے کا فیصلہ کسی کے پیٹھ میں چھرا گھونپنے کے لئے نہیں بلکہ ریاست کے لوگوں کوبنیادی حقوق دینے کے لئے کیا ہے۔
اجیت پوارنے لکھا کہ سال 1991 سے میں سیاسی زندگی میں مسلسل سرگرم ہوں۔ مجھے سیاست میں کس نے داخل کرایا، کس نے وزیربنایا، اس پرکئی باربحث ہوچکی ہے۔ دراصل پارٹی کو اس وقت نوجوان قیادت کی ضرورت تھی اورفیملی کے رکن کے طورپر مجھے ترجیح دی گئی۔ میں نے اپنی عوامی زندگی میں دن رات سخت محنت کی اورخود کو سماجی ذمہ داریوں کے لئے وقف کردیا۔
یہ بھی پڑھیں: Lok Sabha Election 2024: بی جے پی نے مسلم ووٹروں کے لئے بنایا ’خفیہ‘ پلان، نتیش کمار، اجیت پواراورجینت چودھری کو سونپی گئی ہے بڑی ذمہ داری
واضح رہے کہ اجیت پوارنے یہ خط اتوار کو بارامتی میں کسان سمیلن کو خطاب کرنے کے بعد سوشل میڈیا پرشیئرکیا۔ ریلی میں کسانوں کو خطاب کرتے ہوئے انہوں نے کہا کہ ہندوستان کے بیشترلوگ چاہتے ہیں کہ وزیراعظم مودی تیسری بارملک کے وزیراعظم بنیں۔