اے آئی ایم آئی ایم کے مالیگاؤں سے رکن اسمبلی مفتی اسماعیل نے بی جے پی پر بڑا سوال اٹھایا ہے۔
مہاراشٹرمیں مساجد میں لاؤڈ اسپیکرسے اذان کا معاملہ طول پکڑتا جا رہا ہے۔ بی جے پی کی قیادت والی حکومت لاؤڈ اسپیکرسے اذان کے خلاف ہے تو وہیں، مختلف سیاسی پارٹیوں نے حکومت اس فیصلے پرسوال اٹھایا ہے۔ آل انڈیا مجلس اتحاد المسلمین (اے آئی ایم آئی ایم) کے مالیگاؤں کے رکن اسمبلی مفتی اسماعیل نے آن لائن اذان سے متعلق بی جے پی حکومت پرسخت تنقید کی ہے۔ انہوں نے کہا کہ مجھے سمجھ نہیں آتا کہ آن لائن اذان کیسے ہوگا۔
اویسی کی پارٹی کے لیڈرمفتی اسماعیل نے کہا کہ لاؤڈ اسپیکرپراذان دی جاتی ہے تو علاقہ کے لوگوں کوپتہ چلتا ہے اوروہ نمازپڑھنے مسجد آتے ہیں۔ یہ اس لئے ہورہا ہے کیونکہ بی جے پی کے ایک لیڈرہیں کریٹ سومیا، وہ بلا وہ لااینڈ آرڈرکوموضوع بنا رہے ہیں۔ انہوں نے کہا کہ مسجدوں میں جاکروہ لوگوں کوپریشان کررہے ہیں۔ اجیت پواربھی اس حکومت میں ہیں۔ وہ مسلمانوں کی حمایت کی بات کرتے ہیں، لیکن ان کی حکومت کے بی جے پی کے وزیرکیا کررہے ہیں، یہ انہیں دیکھنا چاہئے۔
لاؤڈ اسپیکرپر پابندی کے بعد اذان ایپ
دراصل، ممبئی میں لاؤڈ اسپیکرپرپابندی کے بعد کئی مساجد نے’آن لائن اذان‘ ایپ کواپنایا ہے، جونمازیوں کواذان کے وقت اورلائیواذان کی سہولت فراہم کرتا ہے۔ تمل ناڈوکی ایک کمپنی نے اس ایپ کوبنایا ہے۔ یہ ایپ لائیواذان نشرکرتا ہے، جس سے خاص طورپرجولوگ مسجد سے دورہیں یا جن کے آفس مسجد کے پاس نہیں ہیں، وہ وقت پرنمازکی اطلاع حاصل کرسکتے ہیں۔ آپ کو بتا دیں کہ یہ قدم بمبئی ہائی کورٹ کے شورکی آلودگی کے قوانین کے بعد اٹھایا گیا ہے۔ اس ایپ میں مساجد کا رجسٹریشن، نمازکے اوقات اوردیگر مذہبی معلومات جیسی خصوصیات ہیں۔ یہ ان لوگوں کے لیے بھی خاص طورپرمفید ہے، جیسے خواتین اوربزرگ، جومسجد میں نہیں جا سکتے۔
کسی بھی زبان کی مخالفت غلط ہے: مفتی اسماعیل
وہیں، مالیگاؤں کے رکن اسمبلی مفتی اسماعیل نے ہندی زبان کے تنازعہ سے متعلق بھی اپنے ردعمل کا اظہارکیا۔ انہوں نے کہا کہ کسی بھی زبان کی مخالفت غلط ہے۔ گجرات میں گجراتی بولی جاتی ہے تو کرناٹک میں کنڑ، تمل ناڈو میں تمل، ہندی اس ملک کی زبان ہے اوراس کی مخالفت غلط ہے۔
بھارت ایکسپریس اردو-
مرکزی وزیر نے کہا کہ حکومت نے نومبر 2021، مئی 2022 اور مارچ 2026 میں…
وزیر داخلہ نے سوشل میڈیا پلیٹ فارم ایکس پر پیغام جاری کرکے کرن رجیجو کی…
وزیر اعظم نے انہیں ہندوستان کی بہادر بیٹی قرار دیا، امت شاہ نے کہا کہ…
نیچروپیتھی ڈے کے موقع پر INO-سوریا فاؤنڈیشن نے نشہ مکت بھارت قومی مہم کا آغاز…
پیرپینتی میں اڈانی پاور کے زیر تعمیر الٹرا سپر کریٹیکل تھرمل پاور پلانٹ سے بجلی…
تازہ معلومات کے مطابق، ’اکوان‘ 12 کلومیٹر فی گھنٹہ کی رفتار سے شمال کی جانب…