Partnership between Adani Group & Google: اڈانی گروپ اور گوگل کے اشتراک سے وشاکھاپٹنم میں بنے گا بھارت کا سب سے بڑا ڈیٹا سینٹر کیمپس

اڈانی انٹرپرائزز کی ذیلی کمپنی اڈانی کانیکس نے گوگل کے ساتھ اشتراک کیا ہے۔ اڈانی اپنے مشترکہ منصوبے کے ذریعے آندھرا پردیش کے  وشاکھاپٹنم میں ہندوستان کے سب سے بڑے AI ڈیٹا سینٹر کیمپس اور نئے گرین توانائی کے بنیادی ڈھانچے کی تعمیر کے لیے Google کے ساتھ تعاون کریں گے۔ وشاکھاپٹنم میں گوگل کا اے آئی مرکز پانچ سالوں (2026-2030) کے دوران تقریبا 15 بلین امریکی ڈالر کی سرمایہ کاری سے تعمیر کیا جائے گا۔ اس پروجیکٹ میں گیگا واٹ پیمانے پر ڈیٹا سینٹر آپریشن، زیر سمندر کیبل نیٹ ورک، اور ہندوستان کے جدید ترین AI کام کےورکر لوڈ کو سپورٹ کرنے کے لیے صاف توانائی کا بنیادی انفراسٹرکچر شامل ہوگا۔ معلومات میں کہا گیا ہے کہ AdaniConnex اور Airtel اس پروجیکٹ کو عملی جامہ پہنانے کے لیے گوگل کے ساتھ مل کر کام کریں گے۔

AI انفراسٹرکچر کی تعمیر

Google AI Hub ہندوستان میں کمپیوٹنگ کی قابل قدر صلاحیتوں میں اضافہ کرے گا، جو ملک کی AI صلاحیتوں میں ایک اہم قدم آگے ہوگا، دونوں کمپنیاں پائیداری کے لیے پرعزم ہیں اور آندھرا پردیش میں نئی ​​ٹرانسمیشن لائنس، صاف توانائی کی پیداوار  اور توانائی کے ذخیرہ کرنے کے نئے نظام میں مشترکہ سرمایہ کاری کا منصوبہ بنا رہے ہیں۔ یہ اقدامات نہ صرف ڈیٹا سینٹر کو بجلی فراہم کریں گے ،بلکہ ہندوستان کے بجلی گرڈ کو بھی مضبوط کریں گے۔

اڈانی گروپ کے چیئرمین گوتم اڈانی نے کہا کہ اڈانی گروپ کو اس تاریخی پروجیکٹ پر گوگل کے ساتھ شراکت کرنے پر فخر ہے، جو ہندوستان کے مستقبل کو پہچان فراہم  کرے گا۔ انہوں نے مزید کہا کہ یہ انفراسٹرکچر میں سرمایہ کاری سے زیادہ ہے۔ یہ ایک ابھرتی ہوئی قوم کی آتما میں سرمایہ کاری ہے… وشاکھاپٹنم اب ٹیکنالوجی کے لیے ایک عالمی منزل بننے کے لیے تیار ہےاور ہم اس تاریخی سفر کے معمار ہونے پر بہت خوشی محسوس کررہے ہیں۔

ملکی معیشت کو تقویت ملے گی

گوگل کلاؤڈ کے سی ای او تھامس کورین نے کہا، AI دور میں ہندوستان کی بے پناہ صلاحیتوں کو تقویت دینے  کے لیے ہم Google AI Hub میں سرمایہ کاری کر رہے ہیں، جو ترقی کو تیز کرنے اور کاروبار، ریسرچ، اور تخلیق کاروں کو AI کے ساتھ تعمیر اور پیمائش کرنے کے لیے ایک اہم بنیاد فراہم کرے گا۔ انہوں نے مزید کہا، اڈانی کے ساتھ کام کرتے ہوئے ہم اپنے جدید وسائل کو کمیونٹیز اور یوزرکے قریب لائیں گے۔ اے آئی ہب اور اس سے منسلک کنیکٹیویٹی گیٹ وے سے آندھرا پردیش کے وشاکھاپٹنم اور پورے ہندوستان میں اقتصادی ترقی کو تیز کرنے کی امید ہے۔ یہ منصوبہ ڈیجیٹل شمولیت کو فروغ دے گا اور ٹیکنالوجی، مینوفیکچرنگ اور صاف توانائی کے شعبوں میں ہزاروں ملازمتیں پیدا کرے گا۔

بھارت ایکسپریس اردو۔