عام آدمی پارٹی نے دہلی کے 4 امیدواروں کا کیا اعلان، ہریانہ کے کروچھیتر سے قسمت آزمائیں گے سابق ایم پی سشیل گپتا

عام آدمی پارٹی نے دہلی اورہریانہ کے لئے لوک سبھا امیدواروں کا اعلان کردیا ہے۔ نئی دہلی سیٹ سے سومناتھ بھارتی، جنوبی دہلی سے سہی رام، مغربی دہلی سے مہابل مشرا اور مشرقی دہلی سے کلدیپ کمار کو میدان میں اتارا ہے۔ وہیں ہریانہ کے کروچھیترا لوک سبھا سیٹ سے سابق راجیہ سبھا رکن پارلیمنٹ سشیل گپتا کو امیدوار بنایا ہے۔

انڈیا الائنس کے تحت عام آدمی پارٹی نے دہلی، ہریانہ اورگجرات میں امیدواراتارنے کا اعلان کیا ہے جبہ آسام اور گوا میں بھی الائنس رہے گا لیکن وہاں عام آدمی پارٹی اپنا امیدوار نہیں اتارے گی۔ جبکہ پنجاب میں دونوں پارٹیاں الگ الگ الیکشن لڑیں گی اوروہاں الائنس نہیں ہوگا۔ دراصل، دونوں پارٹیوں کی ریاستی یونٹ نے یہ فیصلہ کیا ہے کہ پنجاب میں الائنس میں الیکشن نہیں لڑا جائے گا۔ الائنس کے تحت دہلی اورہریانہ میں ملنے والی سیٹ پرہی  امیدواروں کے نام کا اعلان کیا گیا ہے۔ اس سے پہلے گجرات کے بھروچ اور بھاؤنگرسیٹ سے بھی پارٹی لوک سبھا امیدواروں کے نام کا اعلان کرچکی ہے۔

ہریانہ میں بھی طاقت دکھائے گی پارٹی