Bharat Express 3rd Anniversary: بھارت ایکسپریس کی تیسری سالگرہ پر 9 مارچ کو دہلی میں “وکست بھارت 2047: نئے بھارت کی بات موضوع پرایک میگا کانکلیو کا انعقاد

نئی دہلی: بھارت ایکسپریس کی تیسری سالگرہ کے موقع پر 9 مارچ کو دہلی میں ایک خصوصی میگا کانکلیو کا انعقاد کیا جا رہا ہے۔ اس پروگرام کا موضوع “وکست بھارت 2047: نئے بھارت کی بات” رکھا گیا ہے، جس میں ملک کی ترقی اور مستقبل کے ویژن پر مختلف شعبوں کی نمایاں شخصیات اپنے خیالات کا اظہار کریں گی۔

یہ کانکلیو بھارت ایکسپریس نیوز نیٹ ورک کے چیئرمین، منیجنگ ڈائریکٹر اور ایڈیٹر اِن چیف اپیندر رائے کی رہنمائی میں نئی دہلی کے ہوٹل دی لالِت میں پیر، 9 مارچ کو صبح 10 بجے سے منعقد ہوگا۔ اس پروگرام میں ملک کی کئی معروف شخصیات شرکت کریں گی جن میں بڑے سیاسی رہنما، مرکزی وزراء، وزرائے اعلیٰ، سابق وزرائے اعلیٰ اور مختلف شعبوں کے ماہرین شامل ہوں گے۔ یہ تمام شخصیات ایک ہی پلیٹ فارم پر جمع ہو کر “وکست بھارت 2047” کے ہدف اور نئے بھارت کی تعمیر کے مختلف پہلوؤں پر تبادلہ خیال کریں گی۔

مختلف شعبوں کی نمایاں شخصیات کریں گی اظہار خیال

اس میگا کانکلیو میں جنتا دل یونائیٹڈ کے سینئر رہنما کے سی تیاگی بھی شرکت کریں گے اور نئے بھارت کی تعمیر سے متعلق اپنے خیالات پیش کریں گے۔

اس کے علاوہ معروف کلینیکل نیوٹریشنسٹ، مصنفہ اور کاروباری شخصیت ایشی کھوسلا بھی پروگرام میں شریک ہوں گی اور ملک کی ترقی میں صحت اور سماجی شعبوں کے کردار پر روشنی ڈالیں گی۔

بھارت ایکسپریس کو یکم فروری 2023 کو باضابطہ طور پر چیئرمین اور منیجنگ ڈائریکٹر اپیندر رائے نے لانچ کیا تھا۔ گزشتہ تین برسوں کے دوران چینل نے تیزی سے مقبولیت حاصل کی ہے اور سچائی، جرات اور لگن کے ساتھ خبریں پیش کرنے کے لیے اپنی شناخت قائم کی ہے۔ اپیندر رائے کی قیادت میں چینل نے سیاست، جرائم، کاروبار، کھیل اور تفریح سمیت مختلف شعبوں میں گہری اور جامع رپورٹنگ کی ہے۔

“وکست بھارت 2047: نئے بھارت کی بات” کے عنوان سے ہونے والا یہ پروگرام بھارت ایکسپریس چینل پر براہِ راست نشر کیا جائے گا۔ ناظرین اسے مختلف ڈی ٹی ایچ اور کیبل پلیٹ فارمز جیسے ٹاٹا پلے، جیو فائبر، ایئرٹیل، ڈش ٹی وی اور ڈی ٹو ایچ کے علاوہ جیو ٹی وی، ڈیلی ہنٹ اور دیگر ڈیجیٹل پلیٹ فارمز پر بھی دیکھ سکیں گے۔

بھارت ایکسپریس کی تیسری سالگرہ کے موقع پر منعقد ہونے والا یہ میگا کانکلیو نئے بھارت کے خواب کو حقیقت میں بدلنے کی سمت ایک اہم قدم سمجھا جا رہا ہے۔

بھارت ایکسپریس اردو