Nita Mukesh Ambani Cultural Centre: ممبئی میں واقع نیتا مکیش امبانی کلچرل سینٹر نے ہندوستانی فن اور ثقافت کی دنیا میں ایک نیا ریکارڈ قائم،10,000 سے زیادہ فنکار وں نے اپنی صلاحتیوں کا کیا مظاہرہ

نئی دہلی : ملک کی اقتصادی راجدھانی ممبئی میں واقع نیتا مکیش امبانی کلچرل سینٹر (NMACC) نے ہندوستانی فن اور ثقافت کی دنیا میں ایک نیا ریکارڈ قائم کیا ہے۔ مارچ 2023 میں آغاز کے بعد سے اس ثقافتی مرکز نے کامیابی کے نئے معیار قائم کیے ہیں۔ محض 3 سال سے بھی کم عرصے میں NMACC میں 3,500 سے زائد شوز منعقد کیے جا چکے ہیں، جنہیں 25 لاکھ (2.5 ملین) سے زیادہ ناظرین نے دیکھا۔اس دوران 10,500 سے زائد ہندوستانی اور بین الاقوامی فنکاروں نے اس پلیٹ فارم پر اپنی صلاحیتوں کا مظاہرہ کیا۔ اس کامیابی کے بعد NMACC
صرف ممبئی ہی نہیں بلکہ پورے ملک کے بڑے اور قابل اعتماد ثقافتی مراکز میں شمار ہونے لگا ہے۔

ہندوستانی ثقافت اور عالمی فن کا سنگم

NMACC نے ہندوستانی فنون کی روایات کو عالمی پلیٹ فارم سے جوڑ کر ایک منفرد ثقافتی ماحول تشکیل دیا ہے۔ یہاں موسیقی، تھیٹر، کلاسیکی رقص اور بصری فنون کے پروگرام 15 سے زائد زبانوں میں پیش کیے جا چکے ہیں۔اس مرکز کی خاص بات یہ ہے کہ ایک جانب ملک کے دور دراز دیہات سے آنے والے لوک فنکاروں اور دستکاروں کو بڑے پلیٹ فارم پر اپنی صلاحیت دکھانے کا موقع ملا، تو دوسری جانب دنیا کے معروف بین الاقوامی برانڈز اور براڈوے شوز کو بھی پہلی بار ہندوستانی ناظرین تک پہنچایا گیا۔

نیتا امبانی کا وژن ہوا کامیاب

نیتا مکیش امبانی کا وژن تھا کہ ہندوستان کی کثیر جہتی فنکارانہ صلاحیتوں کو دنیا کے سامنے لایا جائے اور عالمی فن کو ہندوستانی ناظرین تک پہنچایا جائے۔ NMACC نے اپنے کثیر شعبہ جاتی نقطہ نظر کے ذریعے اس وژن کو عملی شکل دی ہے۔NMACC کے سال بھر جاری رہنے
والے ثقافتی پروگراموں کی وجہ سے ممبئی عالمی نقشے پر ایک اہم ثقافتی مقام کے طور پر ابھری ہے۔ اس کے مختلف پروگراموں نے ملکی اور غیر ملکی ناظرین کو اپنی جانب متوجہ کیا ہے۔
ممبئی میں واقع نیتا مکیش امبانی کلچرل سینٹر (NMACC) نے ہندوستانی فن اور ثقافت کی دنیا میں ایک نیا ریکارڈ قائم

اعداد و شمار میں NMACC کی کامیابی

NMACC کے تقریباً 3 سال کے سفر کے اعداد و شمار اس کی کامیابی کی بڑی تصویر پیش کرتے ہیں۔ 3,500 سے زائد شوز، 10,500 سے زیادہ فنکاروں کی شرکت اور تقریباً 25 لاکھ ناظرین کی آمد اس مرکز کے وسیع دائرہ کار اور مقبولیت کو ظاہر کرتی ہے۔مرکز کا بنیادی مقصد فنون کو عام اور خاص، دونوں طرح کے لوگوں تک پہنچانا تھا، جس میں اسے بڑی کامیابی ملی ہے۔ اس نے ہندوستانی فنکاروں کو اپنی صلاحیت کے ذریعے شناخت بنانے کے لیے ایک مضبوط پلیٹ فارم فراہم کیا ہے۔

اب ابھرتے ہوئے ٹیلنٹ پر توجہ

3 سال کی شاندار کامیابی کے بعد NMACC اب اپنے اگلے بڑے مرحلے میں داخل ہو چکا ہے۔ اس مرحلے میں نوجوانوں کی شرکت اور ابھرتے ہوئے نئے ٹیلنٹ کو نکھارنے پر خصوصی توجہ دی جائے گی۔NMACC نے اسکول اور کالج کے طلبہ کے لیے خصوصی پروگراموں کا اعلان کیا ہے۔ اس کے تحت رقص، ڈراما، موسیقی اور فنون لطیفہ میں بین المدارس اور بین الکلیاتی مقابلے منعقد کیے جائیں گے، تاکہ ملک کے مختلف حصوں میں موجود نوجوان صلاحیتوں کو سامنے لایا جا سکے۔

فن کے میدان میں نوجوانوں کو نئی پرواز

نوجوانوں کو صرف اپنی صلاحیت دکھانے کا موقع ہی نہیں دیا جائے گا بلکہ NMACC ان کے کیریئر کو بہتر بنانے کے لیے خصوصی ورکشاپس اور انٹرن شپ پروگرام بھی شروع کرے گا۔ اس کا مقصد نئی نسل میں فنون کے تئیں سمجھ پیدا کرنا، انہیں پیشہ ورانہ تربیت دینا اور ایسا پلیٹ فارم فراہم کرنا ہے جہاں سے وہ عالمی سطح پر ہندوستان کا نام روشن کر سکیں۔NMACC کی یہ پہل ملک کے ثقافتی مستقبل کو نئی سمت دینے کے ساتھ ساتھ نوجوان فنکاروں کے لیے مواقع کے نئے دروازے کھول سکتی ہے۔

بھارت ایکسپریس اردو