Nepal bus accident: نیپال بس حادثے میں اب تک 27 مسافر ہلاک، 16 افراد زیر علاج، ایک لاپتہ

Nepal bus accident: پوکھرا سے کھٹمنڈو جانے والی ہندوستانی سیاحوں کی بس نیپال کے تناہون ضلع میں جمعہ کو دریا میں گر گئی۔ حادثے میں مہاراشٹر سے تعلق رکھنے والے 27 مسافروں کی موت ہو گئی، جب کہ 16 افراد کھٹمنڈو کے ایک اسپتال میں زیر علاج ہیں۔ ایک شخص لاپتہ ہے، ریسکیو ٹیم کی جانب سے اسے تلاش کرنے کی کوششیں جاری ہیں۔ حادثے کا شکار ہونے والے تمام مسافروں کا تعلق مہاراشٹر سے بتایا جا رہا ہے۔ حادثے کا نوٹس لیتے ہوئے وزیر اعلیٰ یوگی آدتیہ ناتھ نے ریلیف کمشنر کے دفتر کو امدادی کاموں کی ہدایات دیں۔

سی ایم کی ہدایت پر ریلیف کمشنر نے مہاراج گنج کے ایس ڈی ایم اور سی او نوتنوا کے ساتھ ایس ایچ او سنولی کو موقع پر بھیجا۔ مہاراشٹر حکومت سے بھی رابطہ کیا۔ لاشوں کو سڑک کے ذریعے گورکھپور ہوائی اڈے لے جایا جائے گا، جہاں سے انہیں ہوائی جہاز کے ذریعے مہاراشٹر بھیجا جائے گا۔ ریلیف کمشنر جی ایس نوین نے بتایا کہ جمعہ کی دوپہر تقریباً ایک بجے نیپال کے تناہون ضلع میں ہندوستانی سیاحوں سے بھری بس کے دریا میں گرنے کی اطلاع ملی۔ اس پر انہوں نے نیپال حکومت سے فوری مدد کی درخواست کی۔ نیپال میں تعینات ہندوستانی پولیس کے اعلیٰ افسران سے بھی رابطہ کیا گیا۔

وزیر اعلیٰ کی ہدایات

حادثے کا نوٹس لیتے ہوئے سی ایم یوگی نے ریلیف کمشنر کے دفتر کو امدادی کاموں کی ہدایات دیں۔ ریلیف کمشنر نے کہا کہ سی ایم یوگی کی ہدایات پر مہاراج گنج کی نوتنوا تحصیل کے ایس ڈی ایم این پی موریہ، سی او جئے پرکاش ترپاٹھی اور سنولی کے ایس ایچ او انکت سنگھ کو جائے حادثہ پر بھیجا گیا ہے۔ اے ڈی ایم پنکج ورما کو ٹیم کے ساتھ تال میل کی ہدایت دی گئی۔

یہ بھی پڑھیں- Good news for Afghan Taliban govt: طالبان حکومت کو ملی ایک دن میں دو بڑی خوشخبری،عرب امارات نے سفارتی اسناد کیا منظور،طیارہ کمپنیوں نے بھی کرلیا بڑا فیصلہ

اس کے ساتھ ہی مہاراشٹر حکومت سے رابطہ قائم کیا گیا اور حادثے کے بارے میں جانکاری دی گئی۔ اس پر مہاراشٹر حکومت کے سینئر افسران نے ریلیف کمشنر سے مدد کی اپیل کی۔ ریلیف کمشنر نے کہا کہ مہاراشٹر حکومت کے سینئر حکام کی درخواست پر اتر پردیش ریلیف کمشنر کا دفتر اپنی سطح پر پوری کارروائی کر رہا ہے۔ انہوں نے بتایا کہ مہاراشٹر حکومت نے اتر پردیش ریلیف آفس کو آپریشن کے لیے نوڈل بنایا ہے۔

-بھارت ایکسپریس