’’پاگل، احسان فراموش…‘‘ بنجامن نیتن یاہو پر برہم ہوگئے ڈونلڈ ٹرمپ، امریکی صدر کی ناراضگی کی کیا ہے وجہ؟

ایران کے ساتھ جنگ بندی ٹوٹنے کے بعد امریکی صدرڈونلڈ ٹرمپ نے اسرائیل کے وزیراعظم بنجامن نیتن یاہوپرجم کربھڑاس نکالی ہے۔ ٹرمپ نے ایک فون کال کے دوران غصے میں بنجامن نیتن یاہوکو’پاگل‘ اور’احسان فراموش‘ تک کہہ دیا۔ دلچسپ بات یہ ہے کہ دونوں لیڈران کے درمیان ہوئی اس خفیہ بات چیت کی جانکاری وہائٹ ہاوس کے افسران نے میڈیا تک پہنچا دی۔ ایسے میں سوال اٹھ رہا ہے کہ کیا واقعی ٹرمپ، بنجامن نیتن یاہوسے ناراض ہیں اوراگرہاں تواس کی وجہ کیا ہے؟

ٹرمپ نے فون پرنیتن یاہوسے کیا کہا؟

امریکی میڈیا آوٹ لیٹ ایکسیوس کے مطابق، فون کال کے دوران ٹرمپ نے لبنان میں ہوئے حملے سے متعلق بنجامن نیتن یاہوپرناراضگی ظاہرکی۔ ٹرمپ نے کہا، ”بی بی، تم پوری طرح پاگل ہوگئے ہو۔ میں تمہیں جیل جانے سے بچایا، لیکن تم اب بھی یہ بات نہیں سمجھ رہے ہو۔“ ٹرمپ نے مزید کہا- پوری دنیا تم سے ناراض ہے۔ لوگ تم سے نفرت کرتے ہیں۔ تمہاری وجہ سے لوگ اسرائیل کے خلاف ہورہے ہیں۔ عالمی سفارت کاری اس طرح نہیں چلتی۔

نیتن یاہو سے کیوں ناراض ہیں ٹرمپ؟

ایران کے ساتھ جنگ بندی کی راہ میں نیتن یاہوروڑہ بنے ہوئے ہیں۔ امریکہ اورایران کے درمیان جب بات چیت پٹری پرلوٹتی ہے، تب اسرائیل کچھ ایسا کردیتا ہے، جس کی وجہ ایران بات چیت سے پیچھے ہٹ جاتا ہے۔ تازہ معاملہ لبنان پرحملہ سے متعلق ہے۔ ایران کا کہنا ہے کہ جنگ بندی کے باوجود اسرائیل لبنان پرحملہ کررہا ہے۔ اس حملے میں عام شہریوں کی موت ہو رہی ہے۔ ٹرمپ بھی اس حقیقت سے متفق ہیں۔ اسی وجہ سے انہوں نے نیتن یاہوکوپھٹکارلگائی۔

اسرائیل کے بہکاوے میں آگیا امریکہ؟

ایران جنگ کی شروعات میں نیتن یاہونے ڈونلڈ ٹرمپ کے سامنے ایک رپورٹ پیش کی۔ اس میں کہا گیا کہ جنگ کے بعد ایران میں تختہ پلٹ ہوجائے گا۔ یعنی بغاوت ہوجائے گی۔ نیتن یاہونے کردوں کوخوش کرنے کی بات بھی کی، لیکن جب لڑائی شروع ہوئی توایرانی عوام نے امریکہ اوراسرائیل سے منہ موڑلیا۔ اس کے نتیجے میں عرب دنیا میں امریکہ کوکافی نقصان پہنچا۔ امریکہ اب ایران کے ساتھ باعزت معاہدہ چاہتا ہے۔

پورے خطے میں تنہا پڑگئے ہیں نیتن یاہو

نیتن یاہوامریکہ میں اب زیادہ مقبول ہورہے ہیں۔ پیوریسرچ نے اپریل 2026 میں ایک رپورٹ جاری کی تھی۔ اس میں کہا گیا تھا کہ 50 سال سے زیادہ عمرکے 69 فیصد امریکی نیتن یاہوکو پسند نہیں کرتے ہیں۔ رپورٹ کے مطابق، 44 فیصد ٹرمپ حامی بھی نیتن یاہو کوصحیح نہیں مانتے ہیں۔ دی اٹلانٹک میگزین کے چیف ایڈیٹرجائس کرم کے مطابق، اس لیک ہونے والا میسیج سے بنجامن نیتن یاہوکی مشکلات کومزید بڑھا سکتا ہے۔ اسرائیل میں اس سال کے آخرمیں عام انتخابات ہونے والے ہیں۔ نیتن یاہوکوپہلے ہی ایران-امریکہ معاہدے سے باہررکھا گیا ہے۔ وہ پورے خطے میں الگ تھلگ پڑگئے ہیں۔

 بھارت ایکسپریس اردو-