سیزفائر سے بھی کچھ بڑا کرنے والے ہیں ڈونالڈ ٹرمپ؟ جی-7 سمٹ سے لوٹتے ہی ایران-اسرائیل جنگ سے متعلق تعطل میں اضافہ

امریکی صدرڈونالڈ ٹرمپ جی-7 سمٹ کو درمیان میں ہی چھوڑکرچلے گئے۔ ٹرمپ کے جانے کے بعد فرانس کے صدر ایمینوئل میکرون نے ڈرنالڈ  ٹرمپ پرطنزکرتے ہوئے کہا تھا کہ وہ اسرائیل اور ایران کے درمیان سیزفائرپرکام کرنے کے لئے گئے ہیں۔ ٹرمپ نے اب انہیں جواب دیا ہے اورسمٹ چھوڑنے کی وجہ بتائی ہے۔ انہوں نے کہا کہ میکرون کوپتہ ہی نہیں ہے کہ میں کیوں چلا گیا۔ ٹرمپ نے اشارہ دیا کہ وہ سیز فائرسے بھی کچھ بڑا کام کرنے والے ہیں۔

ڈونالڈ ٹرمپ نے ایمینوئل میکرون کو’پبلیسٹی سیکر’ کہا ہے۔ انہوں نے سوشل میڈیا پلیٹ فارم ٹروتھ پرایک پوسٹ شیئرکیا ہے۔ ٹرمپ نے لکھا، ”تشہیرکی خواہش رکھنے والے فرانس کے صدر ایمینوئل میکرون نے غلطی سے کہا کہ میں کناڈا میں جی-7 سمٹ چھوڑ کرواپس جا رہا ہوں تاکہ اسرائیل اور ایران کے درمیان جنگ بندی پر کام کرسکوں۔ غلط بات! انہیں پتہ ہی نہیں ہے کہ میں اب واشنگٹن کیوں جا رہا ہوں، لیکن یہ یقینی ہے کہ اس کا سیز فائر سے کوئی لینا دینا نہیں ہے۔ اس سے کہیں زیادہ بڑا کام ہے۔ ایمینوئل ہمیشہ غلط ہی بولتے ہیں۔”

ٹرمپ نے ایران کو دی وارننگ