US-Iran Peace Talk Updates: اسلام آباد میں امریکہ-ایران مذاکرات کا پہلا دور ختم، دونوں ممالک کے رویے میں آئی نرمی

US-Iran Peace Talk Updates: پاکستان کے دارالحکومت اسلام آباد میں امریکہ اورایران کے درمیان اہم بات چ یت ہورہی ہے۔ دونوں ملکوں کے درمیان پہلے راونڈ کی بات چیت ختم ہوگئی ہے اوراب دوسرے راونڈ کی بات چیت ہوسکتی ہے۔ پہلے راونڈ کی بات چیت میں دونوں ممالک کے لہجے اوررویے میں نرمی آئی ہے، اس طرح سے مثبت نتائج سامنے آسکتے ہیں۔ دونوں ممالک راونڈ ٹیبل پراپنی اپنی شرائط کے ساتھ بات چیت کررہے ہیں۔ اسی بات چیت سے طے ہونا ہے کہ ایران اورامریکہ میں لڑائی ختم ہوگی یا نہیں۔

اسلام آباد میں امریکہ-ایران کے درمیان اب ایکسپرٹ لیول کی ٹیکنیکل بات چیت ہوگی۔ تسنیم نیوز کے مطابق، مذاکرات اب اسپیشلائزڈ ایکسپرٹ فیزمیں پہنچ گئی ہے۔ سیاسی، اقتصادی اورقانونی ماہرین (ایکسپرٹس) کی تین کمیٹیاں بات چیت کو آگے بڑھا رہی ہیں۔ پاکستانی وزیراعظم شہباز شریف ہوٹل میں وفد کے لئے ڈنرمنعقد کررہے ہیں۔ پاکستانی میڈیا نے ذرائع کے حوالے سے دعویٰ کیا کہ تقریباً دو گھنٹے تک چلی امن مذاکرات میں دونوں فریق نے رضامندی تک پہنچنے کے لئے نرم رویہ دکھایا ہے۔ مذاکرات کا اگلا دور جلد شروع ہوگا۔

ایران نے لبنان پرحملہ روکنے کا معاملہ اٹھایا

آپ کوبتا دیں کہ لبنان پراسرائیلی حملے کی وجہ سے ایران نے پہلے اس بات چیت میں شامل ہونے سے انکارکردیا تھا۔ حالانکہ بعد میں ایران بات چیت کے لئے راضی ہوگیا۔ جمعہ کے روز امریکی صدر ڈونلڈ ٹرمپ نے وارننگ دی تھی کہ اگرکوئی امن مذاکرات نہیں ہوتا ہے تو امریکہ پھر سے حملہ کرے گا۔ امن مذاکرات کے دوران امریکی صدر ڈونلڈ ٹرمپ نے دعویٰ کیا ہے کہ آبنائے ہرمزجلدی کھل جائے گا کیونکہ سمندر میں بچھی بارودی سرنگوں کو ہٹانے کا کام شروع کردیا گیا ہے۔