-بھارت ایکسپریس
متحدہ عرب امارات کے قونصل جنرل عارف النعیمی۔
متحدہ عرب امارات (یواے ای) کے ویزا کے درخواست گزاروں کے لئے خوشخبری ہے۔ متحدہ عرب امارات آئندہ ماہ حیدرآباد میں اپنا چوتھا نیا قونصل خانہ کھولے گا۔ اس کے ذریعے خاص طور پرانفارمیشن ٹیکنالوجی اورہیلتھ کیئر میں کاروباری تعلقات کو فروغ دیا جائے گا۔ قونصل جنرل عارف النعیمی نے کہا کہ “گرچہ ابھی حتمی انتظامات پرکام کیا جا رہا ہے، لیکن متحدہ عرب امارات کے وزیرمملکت برائے امورخارجہ احمد علی الصیغ 14 جون کو حیدرآباد میں قونصل خانہ کھولنے کی توقع رکھتے ہیں۔ نئی دہلی میں سفارت خانے اورممبئی اورترواننت پورم میں قونصل خانہ کے بعد یہ چوتھا مشن ہوگا۔
عارف النعیمی نے ایک انٹرویو میں کہا، “ہم ویزا کا مطالبہ اورمتحدہ عرب امارات کا دورہ کرنے کے خواہشمند لوگوں کی مانگ کی وجہ سے حیدرآباد میں قونصل خانہ کھول رہے ہیں۔” اس کےعلاوہ، متحدہ عرب امارات کے شہری مختلف وجوہات کی بنا پرحیدرآباد کا دورہ کرتے ہیں، بشمول اسپتالوں میں مطالعہ اورمیڈیکل چیک اپ۔ اس لئے ہماری حکومت نے حیدرآباد میں مشن کھولنا بہترسمجھا۔ توقع ہے کہ نیا قونصل خانہ روزانہ تقریباً 300 ویزے جاری کرے گا، جس میں رہائشی ویزے بھی شامل ہیں۔
جب ان سے پوچھا گیا کہ متحدہ عرب امارات کے شہری کیوں طبی علاج کے لئے ہندوستان آنے کو ترجیح دیتے ہیں، عارف النعیمی نے کہا، “متحدہ عرب امارات کے شہریوں اورحیدرآباد کے درمیان تعلق بہت پرانا ہے اوریہاں ہندوستان میں آپ کے پاس اچھے ڈاکٹراوراسپتال ہیں۔ ان وجوہات کی بنا پروہ یہاں آ رہے ہیں۔ کیریئرڈپلومیٹ النعیمی نے ایران، یمن اورسعودی عرب میں کام کیا ہے اوردسمبر 2021 میں حیدرآباد کے لئے پہلے قونصل جنرل کے طورپرنامزد کیا گیا ہے، انہوں نے کہا کہ وہ حیدرآباد اورتلنگانہ میں متحدہ عرب امارات کے کاروباراوران کے ہم منصبوں کے درمیان ایک لنک کے طور پر کام کریں گے۔ انہوں نے کہا، “کاروباری تعلقات کو فروغ دینے کے حوالے سے، ہم دو شعبوں پر توجہ مرکوز کر رہے ہیں۔
حیدرآباد اورجنوبی ہندوستان کے دیگرحصے متحدہ عرب امارات کے ویزا آپریشنزکے لئے تیزی سے اہم ہوتے جارہے ہیں۔ انہوں نے کہا، “جنوبی ہندوستان ایک بہت بڑا خطہ ہے اوریہاں (ویزوں کا) مطالبہ بہت زیادہ ہے۔” متحدہ عرب امارات اس وقت 2.8 ملین سے زیادہ ہندوستانی شہریوں کا گھرہے، جو مغربی ایشیا میں تارکین وطن کی سب سے بڑی تعداد میں سے ایک ہے۔ متحدہ عرب امارات اور ہندوستان کے درمیان تجارت تقریباً 60 بلین ڈالرسالانہ ہے اورامارات امریکہ اورچین کے بعد ہندوستان کا تیسرا سب سے بڑا تجارتی شراکت دارہے۔ یواے ای ہندوستان کی تیل کی درآمدات کا 8 فیصد حصہ رکھتا ہے اورملک کو خام تیل فراہم کرنے والا پانچواں بڑا ملک ہے۔
ایگزٹ پول کے مطابق ہریانہ میں کانگریس کی حکومت بنتی ہوئی نظرآرہی ہے۔ حالانکہ 8…
ہندوستان اوربنگلہ دیش کے درمیان تین میچوں کی ٹی-20 سیریز کھیلی جانی ہے، جس کی…
شملہ ضلع عدالت کے ذریعہ سنجولی میں مسجد کی مبینہ غیرقانی تعمیرات کو منہدم کرنے…
انل وج نے کہا کہ ہریانہ کی تمام 90 سیٹوں پر بی جے پی کی…
ککڑڈوما کورٹ کے ایڈیشنل سیشن جج سمیر باجپئی نے یہ بھی کہا کہ ملزم کی…
اپنے دورے کے دوران پی ایم مودی نے پوہرا دیوی میں جگدمبا ماتا مندر میں…