پشاور میں دہشت گردوں کا حملہ، اسکول کے قریب آئی ڈی دھماکے میں 3 بچوں سمیت 7 افراد زخمی
Pakistan Blast: پاکستان کے شہر پشاور میں ورسک روڈ پر ایک اسکول کے قریب زور دار دھماکہ ہوا۔ یہ اطلاع پاکستان کے جیو نیوز میڈیا سے موصول ہوئی ہے۔ اس زوردار دھماکے میں 2 بچوں سمیت 7 افراد کے زخمی ہونے کی خبر ہے۔ زخمیوں کو اسپتال میں داخل کرایا گیا ہے۔ بچوں کی حالت تشویشناک بتائی جارہی ہے۔ذرائع کے مطابق دھماکے کے بعد افراتفری مچ گئی، لوگ ادھر ادھر بھاگنے لگے۔ اس دھماکے کی ویڈیو بھی منظر عام پر آئی ہے۔ اس وقت پولیس اور ریسکیو ٹیمیں موقع پر موجود ہیں اور امدادی کام جاری ہے۔ قابل ذکر بات یہ ہے کہ دھماکے کے پیچھے کی وجہ سے متعلق معلومات سامنے نہیں آسکی ہیں۔
دھماکے کے بعد پشاور پولیس اور تفتیشی اداروں نے تحقیقات شروع کر دی ہیں کہ دھماکہ کیسے ہوا۔ اس میں کس کا ہاتھ ہے یہ جاننے کی کوشش کی جا رہی ہے۔
4 کلو دھماکہ خیز مواد کا استعمال
پولیس کے مطابق دھماکہ اسکول کے قریب بارودی مواد کے باعث ہوا۔ زخمیوں کو لیڈی ریڈنگ اسپتال میں داخل کرایا گیا ہے جہاں دو بچوں کی حالت تشویشناک بتائی جاتی ہے۔ زخمی بچوں کی عمریں 7 سے 10 سال کے درمیان ہیں۔ رپورٹ کے مطابق گزشتہ روز ہونے والے حملے میں 4 کلو بارودی مواد استعمال کیا گیا تھا ۔جسے سیمنٹ کی اینٹ کے نیچے چھپایا گیا تھا۔ پولیس نے اطراف کے علاقوں میں سرچ آپریشن شروع کر دیا ہے۔ علاقے کو گھیرے میں لے لیا گیا ہے اور مزید تفتیش جاری ہے۔ ایک اہلکار نے بتایا کہ دھماکے میں زخمی ہونے والے بچوں نے اس وقت اسکول یونیفارم نہیں پہنا ہوا تھا۔
سڑک کنارے دھماکہ
اس واقعہ کی سی سی ٹی وی فوٹیج بھی منظر عام پر آگئی ہے ۔جس میں دیکھا جاسکتا ہے۔ کچھ لوگ سڑک کے کنارے کھڑے ہیں۔ اس دوران اچانک دھماکہ ہوتا ہے اور پھر ویڈیو میں صرف دھواں ہی نظر آتا ہے۔
بھارت ایکسپریس
راشٹریہ لوک دل کے سربراہ اورمرکزی وزیرجینت چودھری نے پارٹی لیڈران پرسخت کارروائی کی ہے۔…
دہلی اسمبلی الیکشن کے لئے بی جے پی نے امیدواروں کے ناموں پر غوروخوض تقریباً…
ذرائع نے انکشاف کیا ہے کہ سوربھ شرما کے اکاؤنٹ کی تمام تفصیلات ان کے…
پی ایم مودی نے اپنے خطاب میں کہا کہ آج ہندوستان موبائل مینوفیکچرنگ میں دنیا…
صدر جمعیۃ علماء ہند مولانا محمود اسعد مدنی نے کامیاب پیروی پر وکلاء کی ستائش…
راج یوگی برہما کماراوم پرکاش ’بھائی جی‘ برہما کماریج سنستھا کے میڈیا ڈویژن کے سابق…