Hajj 2024: متاثرہ فلسطینیوں کے ایک ہزار لواحقین بطور شاہی مہمان ادا کریں گے حج ،88 ممالک سےمہمانوں کو فرماں رواں نے کیا ہےمدعو

سعودی فرماں روا شاہ سلمان بن عبدالعزیز کی دعوت پر متاثرہ فلسطینیوں کے ایک ہزار لواحقین حج کی سعادت حاصل کریں گے۔خادم حرمین شریفین نے 2 ہزار 322 عازمین حج کی میزبانی کا شاہی فرمان جاری کیا، جس میں فلسطینی متاثرین کے خاندانوں کے افراد بھی شامل ہوں گے۔ سعودی پریس ایجنسی نے رپورٹ کیا کہ حج، عمرہ اور دورے کے لیے خادم الحرمین الشریفین کے مہمان پروگرام کا یہ ایک حصہ ہے۔اس کے تحت سال 1445 ہجری کے لیے فلسطینی شہدا، قیدیوں اور زخمیوں کے اہل خانہ سے تعلق رکھنے والے 1000 فلسطینیوں کی حج میزبانی کا حکم دیا گیا۔اس کے علاوہ سعودی عرب میں الگ کیے گئے جڑواں بچوں کے خاندان سے تعلق رکھنے والے 22 عازمین کی میزبانی کی جائے گی۔اس پر عمل در آمد اور نگرانی وزارت اسلامی امور، دعوت و ارشاد کرتی ہے۔

اس موقعے پر اسلامی امور، دعوت و رہنمائی کے وزیر اور خادم الحرمین الشریفین حج پروگرام کے جنرل سپروائزر شیخ ڈاکٹر عبداللطیف بن عبدالعزیز آل الشیخ نے خادم حرمین شریفین اور شہزادہ محمد بن سلمان بن عبدالعزیز آل سعود کا شکریہ ادا کیا۔یہ اقدام دنیا بھر کے مسلمانوں کے لیے ان کی مسلسل دیکھ بھال کی عکاسی کرتے ہیں، اور خادم الحرمین شریفین کے خرچ پر مسلمانوں کو حج کے لیے اکٹھا کرکے ان کے درمیان اتحاد اور بھائی چارے کو مضبوط کرتے ہیں۔الشیخ نے کہا کہ شاہی حکم نامے کے اجرا کے بعد سے وزارت ان زائرین کی میزبانی کی تیاری کر رہی ہے اور ایک سٹریٹجک منصوبہ تیار کر رہی ہے، جس میں متعدد کمیٹیاں شامل ہیں جو خادم الحرمین شریفین کے مہمانوں کی دیکھ بھال کے لیے وقف ہیں۔

یہ منصوبہ حجاج کرام کی اپنے آبائی ممالک سے روانگی پر شروع ہوتا ہے اور اس بات کو یقینی بناتا ہے کہ انہیں آسانی کے ساتھ عمرہ اور حج کی ادائیگی کے لیے تمام سہولیات حاصل ہوں، اور حجاج مدینہ جائیں اور مسجد نبوی میں نماز ادا کریں۔وفاقی وزیر کے مطابق 26 سال قبل اس پروگرام کے آغاز سے لے کر اب تک اس پروگرام کے تحت 60 ہزار سے زائد عازمین حج کی میزبانی کی جا چکی ہے۔خادم حرمین شریفین شاہ سلمان بن عبدالعزیز آل سعود نے امسال حج کے موقعے پر 2300 غیر ملکی حاجیوں کے سعودی عرب کی سرکاری میزبانی میں حج کے انتظامات کی ہدایت کی ہے۔

سعودی عرب کی سرکاری دعوت پر فریضہ حج ادا کرنے والے خوش نصیبوں کا تعلق 88 ممالک سے ہے جب کہ ان میں ایک ہزار فلسطینی بھی شامل ہیں جن کا تعلق شہداء، زخمیوں یا قیدیوں کےخاندانوں سے ہے۔ اس کے علاوہ 22 ایسے حاجیوں کی سعودی عرب کی میزبانی میں حج کی تیاریوں کی ہدایت کی گئی ہے جن کے سیامی جڑواں بچوں کے آپریشن مملکت کے ہسپتالوں میں ہوئے ہیں۔خیال رہے کہ سعودی عرب میں سرکاری حج اسکیم کے تحت بیرون ملک سے ہر سال سیکڑوں افراد کے حج کا انتظام کیا جاتا ہے۔ خادم حرمین شریفین کی منظوری سے شروع کیے گئے اس پروگرام کو وزارت مذہبی امور اور دعوت ارشاد انجام دیتی ہے۔

بھارت ایکسپریس۔