Doctor removes patient’s lung tumor from 5,000 km away: ڈاکٹر نے پانچ ہزار کیلو میٹر دور سے کردیا کامیاب آپریشن، چین نے ٹیکنالوجی کے معاملے میں توڑ دیے سارے ریکارڈ

چین میں ایک ڈاکٹر نے 5000 کلومیٹر دور ایک مریض کی کامیاب سرجری کی ہے۔ شنگھائی چیسٹ ہسپتال کے سرجن نے اپنے ساتھیوں کے ساتھ مل کر ایک ریموٹ آپریشن کیا اور پھیپھڑوں کے ٹیومر کو مقامی طور پر تیار کردہ 5G سرجیکل روبوٹ کا استعمال کرتے ہوئے  باہر نکال دیا۔حیران کن بات یہ ہے کہ  سرجن  چین کے شہر شنگھائی میں تھا، وہیں دوسری طرف مریض اور سرجیکل روبوٹ سنکیانگ (چین کے بہت مغرب میں) کے کاشغر میں تھے، جو تقریباً 5000 کلومیٹر دور ہے۔ یہ  13 جولائی کو سرجری کی گئی، جو کامیاب رہی۔

آپریشن کے سرکردہ سرجن شنگھائی چیسٹ ہسپتال سے تعلق رکھنے والے ڈاکٹر لوو کنگ کوان نے کہا کہ سرجیکل روبوٹ ٹیکنالوجی کا استعمال کرتے ہوئے اس آپریشن کی کامیابی اس بات کی عکاسی کرتی ہے کہ مریض بیجنگ اور شنگھائی جیسے بڑے شہروں میں جانے کے بجائے اپنے آبائی شہر میں اعلیٰ درجے کی طبی خدمات سے کیسے لطف اندوز ہو سکتے ہیں۔ شنگھائی ڈیلی کے مطابق،چیسٹ ہسپتال روبوٹ کی مدد سے سرجری کرنے والا ملک کا پہلا طبی مرکز ہے، اور یہ چین میں اس طرح کی سب سے بڑی سرجری کی سہولت بھی ہے۔اہم بات یہ بھی ہے کہ روبوٹ سرجری کرنے کے علاوہ، یہ ہسپتال روبوٹ ٹیکنالوجی کی تحقیق اور ترقی  پر بھی کام کررہا ہے۔

واضح رہے کہ بھارت میں بھی ایک دیسی سرجیکل روبوٹ سسٹم ہے، جسے ڈاکٹر سدھیر سریواستو کے ایس ایس آئی منترا نے تیار کیا ہے، جو ڈاکٹروں کو روبوٹک سرجری کرنے میں مدد کرتا ہے چاہے وہ مریض کے قریب ہی کیوں نہ ہوں۔ہندوستانی سرجیکل روبوٹ ایک ماڈیولر ڈیزائن ہے جس میں 5 سے زیادہ بازوؤں کو الگ کیا جاسکتا ہے، جو دل کی سرجری میں بھی مددگار ثابت ہوسکتا ہے۔

اس حیران کن سرجری کی ویڈیو میں آپ دیکھ سکتے ہیں کہ سرجن کنسول اسٹیشن پر بیٹھتا ہے، جس میں 32 انچ مانیٹر اور 3D وژن ہوتا ہے۔ اس میں حفاظتی کیمرہ بھی ہوتا ہے، جو ڈاکٹر کی موجودگی کا پتہ لگاتا ہے۔ اگر ڈاکٹر ادھر ادھر  دیکھتا ہے، تو سرجری خود بخود رک جاتی ہے۔3D وژن غلطیوں اور حادثات کو کم کرتا ہے۔ سرجری میں استعمال ہونے والے آلات کا سائز 8 ملی میٹر ہے۔جبکہ چین میں کیا گیا یہ آپریشن 5,000 کلومیٹر دور تھا، حال ہی میں بھارت میں کیا گیا آپریشن 40 کلومیٹر دورتھا۔ آپریٹنگ سرجن، ڈاکٹر ایس کے راول، راجیو گاندھی کینسر انسٹی ٹیوٹ اینڈ ریسرچ سینٹر (RGCIRC) کے میڈیکل ڈائریکٹر گڑگاؤں میں تھے اور ان کا 52 سالہ مریض روہنی، دہلی میں تھا۔ یعنی ہندوستان میں بھی ایسا کارنامہ انجام دیا جاچکا ہے البتہ اس کی دوری بہت کم  تھی ،جبکہ چین نے پانچ ہزار کیلو میٹر کی دوری سے روبوٹ کے ذریعے سرجری کرکے ایک نیا ریکارڈ بنا لیا ہے۔

بھارت ایکسپریس۔