بین الاقوامی

Pakistani Minister Mufti Abdul Shakoor died in a Road Accident: پاکستان کے مذہبی معاملوں کے وزیر مفتی عبدالشکور کا سڑک حادثے میں انتقال، پولیس نے 5 افراد کو حراست میں لیا

پاکستان کے مذہبی معاملوں کے وزیر مفتی عبدالشکور کا سڑک حادثے میں انتقال ہوگیا ہے۔ یہ معاملہ پاکستان کی راجدھانی اسلام آباد میں پیش آیا ہے۔ پولیس نے یہ جانکاری دیتے ہوئے بیان جاری کرکے بتایا کہ ہفتہ کے روز میریئیٹ سے سکریٹریٹ چوک کی طرف جاتے وقت وزیر کی کار ایک ہلکس ریوو کار سے ٹکراگئی تھی، جس کے بعد انہیں پولی کلینک اسپتال لے جایا گیا۔ پولیس کے مطابق، اسپتال میں ڈاکٹروں نے انہیں مردہ قرار دیا گیا۔

 پولیس نے کہا، ’حادثہ کے وقت گاڑی (ہلکس ریوو کار) میں موجود پانچ افراد کو حراست میں لے لیا گیا ہے اور جانچ شروع کردی گئی ہے۔ ‘ اسلام آباد کے پولیس انسپکٹر جنرل اکبر ناصر خان نے میڈیا کو بتایا کہ جب یہ حادثہ ہوا تب وزیر خود اپنی گاڑی چلا رہے تھے اور گاڑی میں وہ اکیلے تھے۔ ناصر خان نے کہا، ’سرمیں چوٹ لگنے کے سبب ان کی موقع پر ہی موت ہوگئی۔‘

وزیرداخلہ رانا ثناء اللہ نے اس حادثہ کی باریکی سے جانچ کے احکامات دے دیئے ہیں۔ عبدالشکور، مولانا فضل الرحمن کے جمعیۃ علمائے اسلام فضل (جے یو آئی-ایف) کے سینئر رکن تھے، ان کی پارٹی برسراقتدار اتحاد کا حصہ ہے۔ جے یو آئی-ایف نے کہا ہے کہ وزیر کے جنازے کی نمازاتوار کو خیبرپختونخوا صوبہ کے لکّی مروت ضلع کے تاجبی کھیل علاقے میں ادا کی جائے گی اور وہیں تدفین کی جائے گی۔

پاکستانی وزیر اعظم اور صدر نے تعزیت پیش کی

پاکستان کے وزیراعظم شہباز شریف نے عبدالشکور کے انتقال پرتعزیت پیش کرتے ہوئے  ایک بصیرت مند اسکالر، نظریاتی سیاسی کارکن اور ایک اچھے انسان کے طور پر معاشرے میں ان کے کردار کی تعریف کی۔ ساتھ ہی پاکستانی صدرڈاکٹرعارف علوی نے بھی وزیرمفتی عبدالشکور کے انتقال پر گہرے دکھ کا اظہار کیا اور ملک میں باہمی ہم آہنگی کے لئے ان کی خدمات کو خراج تحسین پیش کیا۔

-بھارت ایکسپریس

Nisar Ahmad

Recent Posts

Vehicle Falls into a Gorge in Rudraprayag: اتراکھنڈ کے رودرپریاگ میں گاڑی گہری کھائی میں گری، 3 افراد ہلاک، 4 زخمی

موصولہ اطلاعات کے مطابق، اتوار کی دوپہر تقریباً ایک بجے گاڑی نمبر یو کے 13…

1 hour ago

OP Rajbhar Statement: اعظم خان مسلم لیڈر ہیں تو سماجوادی پارٹی کسی مسلمان کو وزیر اعلیٰ کا چہرہ قرار دے: اوم پرکاش راج بھر

اتر پردیش میں 2027 کے اسمبلی انتخابات سے پہلے سیاسی بیان بازی تیز، ریاستی وزیر…

2 hours ago