Landslide in Papua New Guinea: پاپوا نیو گنی میں لینڈ سلائیڈ سے خوفناک حادثہ، پورا گاؤں ملبے تلے دبا، 100 سے زائد افراد کی ہلاکت کا خدشہ

سڈنی: جنوبی بحرالکاہل کے جزیرے ملک پاپوا نیو گنی کے ایک دور دراز گاؤں میں جمعہ کی صبح مٹی کا تودہ کھسک گیا، جس میں تقریباً 100 افراد کی ہلاکت کا خدشہ ہے۔ یہ اطلاع میڈیا رپورٹ میں دی گئی ہے۔

ژنہوا خبر رساں ایجنسی نے اے بی سی کے حوالے سے بتایا ہے کہ یہ تباہی مقامی وقت کے مطابق صبح 3 بجے کے قریب صوبہ اینگا کے گاؤں کاکلام میں پیش آئی جو پورٹ مورسبی سے 600 کلومیٹر شمال مغرب میں واقع ہے۔

پورجیرا وومن ان بزنس ایسوسی ایشن کی صدر الزبتھ لاروما نے کہا کہ “لوگ اپنے گھروں میں سو رہے تھے جب لینڈ سلائیڈنگ ہوئی اور پورا گاؤں ملبے تلے دب گیا”۔ لاروما نے کہا، “میں جو اندازہ لگا سکتی ہوں، اس کے مطابق وہاں 100 سے زیادہ لوگ ملبے کے نیچے دبے ہوئے ہیں۔”

یہ حادثہ مقامی وقت کے مطابق صبح تین بجے کے قریب پیش آیا۔ علاقہ کے لوگوں کا کہنا ہے کہ مرنے والوں کی تعداد 100 سے زائد ہو سکتی ہے۔ حالانکہ، حکام نے ابھی تک اس اعداد و شمار کی تصدیق نہیں کی ہے۔

امدادی اور بچاؤ کارکن لوگوں کو نکالنے میں مصروف ہیں۔ کئی لاشیں نکال لی گئی ہیں لیکن کئی اب بھی ملبے تلے دبے ہوئے ہیں۔ مقامی لوگ بھی دبی ہوئی لاشوں کو نکالنے میں راحت اور امدادی کارکنوں کی مدد کر رہے ہیں۔

یہ بھی پڑھیں: سریبرینیکا قتل عام کی یاد میں اقوام متحدہ کی جنرل اسمبلی کی قرارداد سے ہندوستان نے خود کو کیا دور، 8000 مسلمانوں کو کیا گیا تھا قتل، جانئے کیا ہے پورا معاملہ

آپ کو بتاتے چلیں کہ پاپوا نیو گنی کی آبادی ایک کروڑ کے لگ بھگ ہے۔ یہ آسٹریلیا کے بعد جنوبی بحر الکاہل کا سب سے زیادہ آبادی والا ملک ہے۔ آسٹریلیا کی آبادی 2 کروڑ 70 لاکھ ہے۔

بھارت ایکسپریس۔