Kuwait Fire: کویت کی ایک عمارت میں آتشزدگی، 41 ہندوستانیوں نے گنوائی جان، 30 افراد زخمی

کویت کے جنوبی منگاف میں ایک عمارت میں آگ لگ گئی۔ اس واقعہ میں 41 سے زائد افراد ہلاک ہوگئے تھے جبکہ 30 افراد زخمی بتائے جا رہے ہیں۔ آگ میں ہلاک ہونے والوں میں 40 ہندوستانی بھی شامل ہیں، جن کا تعلق کیرلا سے بتایا جاتا ہے۔ کویتی میڈیا کے مطابق، آگ بدھ کی صبح لگی۔ کویت کی وزارت صحت کی جانب سے جاری کردہ بیان کے مطابق، تمام زخمیوں کوعلاج کے لئے قریبی اسپتالوں میں لے جایا گیا ہے۔ وزارت نے کہا کہ طبی ٹیمیں زخمیوں کومناسب علاج فراہم کرنے کی پوری کوشش کررہی ہیں۔

وزیرخارجہ ایس جے شنکرنے ایکس (سابقہ میں ٹوئٹر) پراس حادثہ پرپوسٹ کیا ہے۔ انہوں نے لکھا کہ آتشزدگی کے واقعہ کی خبرسے انہیں شدید صدمہ پہنچا ہے۔ 41 سے زیادہ اموات ہوچکی ہیں اور50 سے زیادہ اسپتال میں داخل ہیں۔ ہمارے سفیر(ایمبیسڈر) کیمپ میں گئے ہیں۔ ہم مزید معلومات کا انتظارکررہے ہیں۔ انہوں نے مزید لکھا کہ اپنی جانیں گنوانے والوں کے اہل خانہ سے گہری تعزیت۔ میں زخمیوں کی جلد اور مکمل صحت یابی کی دعا کرتا ہوں۔

عمارت میں رہتے ہیں مزدورطبقے کے لوگ