Joe Biden in Middle East War: مشرق وسطیٰ میں جنگ روکنی ہوگی، جوبائیڈن نے کہا، بنجامن نیتن یاہو سے کریں گے بات

دراصل، امریکی صدرجوبائیڈن نے اتوارکوکہا کہ وہ اسرائیل کے وزیراعظم بنجامن نیتن یاہوسے بات کریں گے اوران کا ماننا ہے کہ مشرق وسطیٰ (مڈل ایسٹ) میں جنگ کوملتوی کیا جانا چاہئے۔ واشنگٹن کے لئے ایئرفورس کے ایک طیارے میں سوارہونے کے دوران جوبائیڈن نے صحافیوں سے کہا کہ ایسا ہونا ہی چاہئے۔ ہمیں حقیقت میں اس سے بچنا ہوگا۔

حسن نصراللہ جاں بحق

جوبائیڈن کا بیان ایسے وقت میں آیا ہے، جب اتوار کو لبنان میں اسرائیلی ہوائی حملوں میں درجنوں لوگ مارے گئے۔ انہوں نے یہ نہیں بتایا کہ وہ نیتن یاہو سے کب بات کرنے کا منصوبہ بنا رہے ہیں۔ اسرائیلی حملے میں حزب اللہ گروپ کو بڑا نقصان ہے اورکئی ٹھکانے تباہ ہوئے ہیں۔ اس میں سب سے بڑا نقصان حزب اللہ سربراہ حسن نصراللہ کی ہلاکت ہے۔ حسن نصراللہ کی ہلاکت کووہائٹ ہاؤس بھی حزب اللہ کے بڑا جھٹکا مانتا ہے۔

حزب اللہ کے لئے بڑا جھٹکا

امریکہ حسن نصراللہ کی موت کوحزب اللہ کے لئے ایک بڑا جھٹکا مانتا ہے۔ ساتھ ہی امریکی انتظامیہ نے احتیاط کے ساتھ قدم اٹھانے کی کوشش کی ہے، کیونکہ اس نے حماس کے ساتھ اسرائیل کے جنگ کو روکنے کی کچھ حد تک کوشش کی ہے۔ قطراورمصر کے ساتھ مل کر امریکہ ثالثی کرتا رہا ہے، لیکن جب جب ووٹنگ کی باری آئی ہے تو امریکہ، اسرائیل کی حمایت میں کھڑا ہوجاتا ہے اوراسرائیل کے خلاف کسی بھی کارروائی پرویٹو کردیتا ہے۔