اسرائیلی فضائی حملے نے غزہ شہر میں العہلی العربی اسپتال کو بنایا نشانہ
غزہ حکومت کے میڈیا آفس نے کہا ہے کہ اسرائیل نے اسپتال کے صحن پر حملہ کیا ہے۔ محصور ساحلی انکلیو میں سرکاری میڈیا آفس کے سربراہ سلام معروف کا کہنا ہے کہ غزہ شہر میں العہلی عرب اسپتال کے صحن پر اسرائیلی فضائی حملہ کیا گیا ہے۔ انہوں نے کہا کہ “اسرائیلی قبضے کی طرف سے اسپتال پر ایک نیا جنگی جرم کیا گیا ہے، جس میں سینکڑوں افراد اپنے گھروں سے بھاگنے کے ساتھ ساتھ بیمار اور زخمی بھی تھے۔”
حملے میں سینکڑوں افراد کی ہلاکت کا خدشہ: غزہ حکام
وزارت داخلہ کا کہنا ہے کہ وسطی غزہ میں ایک اسپتال کے صحن پر اسرائیلی فضائی حملے میں متعدد فلسطینی ہلاک اور زخمی ہوئے ہیں۔ الجزیرہ کے مرم حمید نے غزہ میں وزارت صحت کا حوالہ دیتے ہوئے رپورٹ کیا کہ ہلاک ہونے والوں کا پہلا تخمینہ 200 سے 300 کے درمیان ہے۔
یو این آر ڈبلیو اے کے اسکول پر اسرائیلی حملہ
اقوام متحدہ کی پناہ گزین ایجنسی کا کہنا ہے کہ وسطی غزہ پٹی میں المغازی پناہ گزین کیمپ میں یو این آر ڈبلیو اے کے اسکول کو نشانہ بنانے سے کم از کم چھ افراد ہلاک ہوگئے ہیں۔ گروپ کے کمشنر جنرل فلپ لزارینی نے ایک بیان میں کہا کہ “اسکول کو غزہ پٹی پر اسرائیلی فورسز کے فضائی حملوں اور بمباری کے دوران نشانہ بنایا گیا تھا۔ “انہوں مزید کہا کہ کم از کم 4,000 لوگوں نے اس UNRWA اسکول میں پناہ گاہ میں پناہ لی ہے۔ ان کے پاس پہلے بھی کہیں سر چھپانے کا آپشن نہیں تھا اور اب بھی نہیں ہے۔
البریج پناہ گزین کیمپ کو بھی بنایا گیا نشانہ
فلسطینی وزارت داخلہ کے مطابق منگل کے روز اسرائیلی فضائیہ نے وسطی غزہ میں دو گنجان آباد پناہ گزین کیمپوں کو نشانہ بنایا، جس کے نتیجے میں ہلاکتیں ہوئیں ہیں۔البریج پناہ گزین کیمپ کو نشانہ بنایا گیا ہے۔ الاقصیٰ اسپتال کے ایک ڈاکٹر کے مطابق وسطی غزہ میں کیمپ میں رہائشی عمارت کو نشانہ بنانے والے فضائی حملے کے نتیجے میں کم از کم 12 افراد ہلاک اور درجنوں زخمی ہوگئے۔حماس کے عسکری ونگ القسام بریگیڈز کے ایک بیان کے مطابق، بوریج پناہ گزین کیمپ پر حملے میں حماس کا ایک اعلیٰ سطحی کمانڈر ایمن نوفل “ابو احمد” کی بھی ہلاکت ہوئی ہے۔
غزہ میں ہلاکتوں کی تعداد 3000 تک پہنچ گئی: وزارت
وزارت صحت کے مطابق غزہ پٹی میں جاں بحق ہونے والے فلسطینیوں کی تعداد 3000 تک پہنچ گئی ہے۔ وزارت نے کہا کہ محصور ساحلی انکلیو میں 12,500 سے زیادہ زخمی ہوئے ہیں۔ مقبوضہ مغربی کنارے میں 61 فلسطینی جاں بحق اور 1250 سے زائد زخمی ہوئے ہیں۔
بھارت ایکسپریس۔
دہلی کی راؤز ایونیو کورٹ نے تین طالب علموں کی موت کے معاملے میں مبینہ…
ہمانتا بسوا سرما نے اس سے قبل اگست کے آغاز میں کہا تھا کہ ان…
ہماچل پردیش ہائی کورٹ میں مدعی لائک رام نیگی کی طرف سے ایڈوکیٹ سنجیو کمار…
نائب صدرجمہوریہ ہند جگدیپ دھنکھڑ نے عالمی خطہ جنوب کی ترقی کو آگے بڑھانے میں…
ونیش پھوگٹ پر بھوپیندر سنگھ ہڈا نے کہا کہ میں چاہتا ہوں کہ انہیں راجیہ…
مرکزی وزارت داخلہ نے سنٹرل ریزرو پولیس فورس (سی آر پی ایف) کو 83 سالہ…