Israel-Palestine Conflict: اسرائیل کا غزہ پر حملہ مسلسل جاری، 24 گھنٹے میں 177 بچوں سمیت 266 افراد جاں بحق

Israel-Palestine War Update: اسرائیل کی طرف سے غزہ پٹی پرمسلسل حملہ جاری ہے۔ پیر کے روز فلسطینی میڈیا کی طرف سے بتایا گیا ہے کہ غزہ میں ایک رہائشی عمارت پر ہوئے اسرائیلی حملے میں 30 فلسطینی شہرے مارے گئے ہیں۔ یہ عمارت جبلیا پناہ گزیں کیمپ کے الشہدا علاقے میں تھی۔ حملے سے عمارت زمیں دوز ہوگئی اور آس پاس کے کئی گھربھی برباد ہوگئے۔ اس درمیان غزہ کی وزارت صحت نے کہا ہے کہ گزشتہ 24 گھنٹوں میں اسرائیلی ہوائی حملوں میں 117 بچوں سمیت 266 فلسطینی مارے گئے ہیں۔

دوسری طرف حماس کے عہدیداروں نے پیرکے روز بتایا کہ غزہ کی ناکہ بندی شدہ پٹی پررات گئے اسرائیل کے حملوں میں کم از کم 60 افراد شہید ہو گئے ہیں۔ حماس کے سرکاری میڈیا آفس کے ایک بیان میں کہا گیا ہے، “رات کے دوران (اسرائیلی) چھاپوں میں 60 سے زائد افراد شہید ہوئے” جن میں وہ 17 افراد بھی شامل ہیں، جو ایک ہی حملے میں شہید ہوئے جو شمالی غزہ میں جبالیہ میں ایک گھر پر کیا گیا۔

میڈیا رپورٹس کے مطابق، غزہ میں محکمہ صحت کے افسران نے کہا کہ اسرائیل کی دو ہفتے کی بیماری میں کم از کم 4,600  افراد مارے گئے تھے، جو 7 اکتوبر کو فلسطینی گروپ حماس کی طرف سے جنوبی اسرائیلی برادریوں پر حملے کے بعد شروع ہوا تھا۔ اس میں اسرائیل کے 1,400  افراد مارے گئے تھے۔ اسرائیل-حماس جنگ سے مشرقہ وسطیٰ میں صورتحال مزید خراب ہوسکتی ہے۔ اسرائیلی فوج نے کہا کہ اس نے پیر کی صبح لبنان میں حزب اللہ کے دو یونٹوں کو نشانہ بنایا جو اسرائیل کی طرف ٹینک شکن میزائل اور راکٹ داغنے کی منصوبہ بندی کر رہے تھے، اس خدشے کے درمیان کہ اسرائیل اور حماس کی جنگ مشرق وسطیٰ میں وسیع تر تنازعے کی شکل اختیار کر سکتی ہے۔

حزب اللہ کو نیتن یاہو کی دھمکی

وہیں دوسری طرف حزاب اللہ کی طرف سے کہا گیا ہے کہ حملے میں اس کا ایک جنگجو مارا گیا۔ اس کے بعد آگے کوئی اورجانکاری نہیں دی گئی ہے۔ اسرائیلی وزیراعظم بنجامن نیتن یاہو نے وارننگ دی ہے کہ اگرحزب اللہ جنگ میں اترتا ہے تو یہ دوسرے لبنان جنگ کو جنم دے گا اور یہ حزب اللہ کی زندگی کی سب سے بڑی غلطی ہوگی۔

یہ بھی پڑھیں:  Israel-Palestine Conflict: غزہ پٹی میں زمینی حملے کی تیاری میں اسرائیل، نیتن یاہو کی فوج غزہ سے صرف 5 کلو میٹر کی دوری پر

اسرائیل کا دمشق اورالیپوانٹرنیشنل ایئرپورٹ پرحملہ

شامی میڈیا کی رپورٹ کے مطابق، پڑوسی ملک شام میں اسرائیلی میزائیلوں نے اتوارکو دمشق اورالیپوانٹرنیشنل ایئرپورٹ پرحملہ کیا، جس سے دونوں مقام بری طرح سے متاثرہیں۔ جبکہ دو شہریوں کی موت ہوگئی ہے۔ اسرائیلی فوج نے کہا ہے کہ جنوب میں اس کا ایک ٹینک غلطی سے غزہ پٹی کی سرحد کے پاس مصر کی سرحد سے ٹکرا گئی۔ مصر کی فوج کے ایک ترجمان نے کہا کہ اتوار کو ہوئے اس حادثہ میں مصر کے کئی حفاظتی اہلکاروں کو بھی چوٹیں آئی ہیں۔