بین الاقوامی

Iranian Revolutionary Guards Vow to Take Revenge: ایرانی پاسدارانِ انقلاب نے انتقام لینے کا کیا عہد، مشرق وسطیٰ میں امریکی فوجی اڈوں کو بنایا نشانہ، دھماکوں کی آواز سے لرز اٹھے خلیجی ممالک

تہران: مشرقِ وسطیٰ میں جاری شدید کشیدگی کے دوران ایران کے سپریم لیڈر آیت اللہ علی خامنہ ای اور متعدد اعلیٰ سکیورٹی حکام کے امریکہ اور اسرائیل کے مشترکہ حملوں میں موت ہونے کی اطلاعات سامنے آئی ہیں، جس کے بعد پورے خطے میں صورتحال انتہائی حساس ہو گئی ہے۔ اس دوران ایرانی پاسدارانِ انقلاب نے خمنہ ای کی موت کا بدلا لینے کی بات کہی ہے۔ آئی آر جی سی نے انتقام لینے کا عہد کرتے ہوئے اعلان کیا ہے کہ اس نے مشرقِ وسطیٰ میں امریکی فوجیوں کی موجودگی والے 27 فوجی اڈوں اور تل ابیب میں اسرائیلی فوجی تنصیبات پر حملے شروع کر دیے ہیں۔ رپورٹس کے مطابق قطر اور متحدہ عرب امارات کے مختلف علاقوں میں مسلسل دھماکوں کی آوازیں سنی جا رہی ہیں، جس کے بعد خطے میں سکیورٹی الرٹ مزید سخت کر دیا گیا ہے۔

عمان کے آئل ٹینکر پر کیا گیا حملہ

عمان کے میری ٹائم سکیورٹی سینٹر کے مطابق پالاؤ کے پرچم بردار آئل ٹینکر ’اسکائی لائٹ‘ پر عمان کے علاقے مسندم کے ساحل سے تقریباً پانچ ناٹیکل میل کے فاصلے پر حملہ کیا گیا۔ اس حملے میں چار افراد زخمی ہوئے جبکہ عملے کے تمام 20 ارکان کو محفوظ طریقے سے جہاز سے نکال لیا گیا ہے۔ واقعے کی نوعیت اور حملہ آوروں کے بارے میں فوری طور پر مزید تفصیلات جاری نہیں کی گئیں۔

عمان کی دقم بندرگاہ پر ڈرون حملہ

عمانی خبر رساں ایجنسی کے مطابق دقم بندرگاہ پر بھی ایک سکیورٹی واقعہ پیش آیا، جہاں دو ڈرونز نے بندرگاہ کو نشانہ بنایا۔ سکیورٹی ذرائع کے مطابق، ایک ڈرون مزدوروں کی رہائشی موبائل عمارت سے ٹکرایا جس کے نتیجے میں ایک غیر ملکی کارکن زخمی ہوگیا۔ دوسرے ڈرون کا ملبہ فیول ٹینکوں کے قریب گرا، تاہم کسی بڑے مالی نقصان کی اطلاع نہیں ملی۔ حکام کی جانب سے ان واقعات کی مزید تحقیقات جاری ہیں جبکہ خطے میں سکیورٹی خدشات میں نمایاں اضافہ ہو گیا ہے۔

ریاض میں دھماکوں کی آوازیں سنی گئیں

 سعودی عرب کے دارالحکومت ریاض کے مشرقی علاقوں میں زور دار دھماکوں کی آوازیں سنائی دینے کی اطلاعات سامنے آئی ہیں، جس کے بعد علاقے میں خوف و ہراس پھیل گیا ہے۔ بین الاقوامی خبر رساں ادارے اے ایف پی کے مطابق مشرقی ریاض کے رہائشیوں نے متعدد شدید دھماکوں کی آوازیں سننے اور آسمان کی جانب دھواں اٹھتے دیکھنے کا دعویٰ کیا ہے۔ خبر ایجنسی کے نامہ نگاروں نے بھی دھماکوں کی آوازیں سننے کی تصدیق کی ہے۔

تاحال سعودی حکام کی جانب سے دھماکوں کی نوعیت، مقام یا ممکنہ نقصان کے حوالے سے کوئی باضابطہ بیان جاری نہیں کیا گیا۔ واقعے کے بعد سکیورٹی اداروں کی سرگرمیوں میں اضافہ دیکھا جا رہا ہے جبکہ صورتحال پر قریبی نظر رکھی جا رہی ہے۔

بھارت ایکسپریس۔

Md Hammad

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

1 hour ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

3 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

3 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

3 hours ago