Philippines:فلپائن میں سیلاب سے مرنے والوں کی تعداد 17 ہو ئی

Philippines:فلپائن میں شدید بارشوں اور سیلاب سے مرنے والوں کی تعداد 17 ہو گئی ہے، حکومت کی ڈیزاسٹر ایجنسی نے منگل کو یہ معلومات فراہم کی۔ نیشنل ڈیزاسٹر رسک ریڈکشن اینڈ مینجمنٹ کونسل (این ڈی آر آر ایم سی) کی ایک حالیہ رپورٹ کے مطابق کم از کم 27 دیگر اب بھی لاپتہ ہیں۔

این ڈی آر آر ایم سی نے مرکزی لوزون جزیرے پر بیکول کے علاقے میں مرنے والوں کی تعداد پانچ، وسطی فلپائن میں دو اور جنوبی فلپائن میں 10 ہوگئی  ہے۔ ایجنسی نے اموات کی وجہ نہیں بتائی لیکن میڈیا رپورٹس کے مطابق اس کی بنیادی وجہ ڈوبنے سے ہوئی۔

لاپتہ افراد کے بارے میں ایجنسی نے کہا کہ 12 بائیکول کے علاقے سے، 12 وسطی فلپائن میں اور تین جنوبی فلپائن سے لاپتہ ہیں۔ آٹھ افراد کے زخمی ہونے کی بھی اطلاعات ہیں۔

ایجنسی نے کہا کہ سیلاب نے جنوب مشرقی ایشیائی ملک کے چھ علاقوں میں تقریباً 187,000 افراد کو بے گھر کر دیا۔ 46,000 سے زیادہ لوگوں کو اب کم سے کم 87 سرکاری پناہ گاہوں میں رکھا گیا ہے۔جبکہ باقی لوگ اپنے  رشتہ داروں کے پاس رہ رہے ہیں۔

ایجنسی نے کہا کہ 1100 سے زیادہ گھروں کو شدید بارشوں اور سیلاب نے مکمل یا جزوی طورپر  نقصان پہنچا یاہے۔اس  سیلاب کی وجہ سے  کم از کم 116 سڑکوں، پلوں اور فصلوں سمیت بنیادی ڈھانچے کو بھی کافی  نقصان پہنچا ہے۔ ریاستی موسمی بیورو نے منگل کو خبردار کیا کہ ملک ہلکی اور تیز بارش ہورہی ہے ۔

نیشنل ویدر بیورو نے کہا کہ سیلاب اور بارش کی وجہ سے لینڈ سلائیڈنگ کا بھی امکان ہے۔