Ayatollah Ali Khamenei on exposed Donald Trupm: ڈونالڈ ٹرمپ نے بڑھا چڑھا کر بتایا امریکی بمباری کا نقصان، آیت اللہ خامنہ ای نے کھول دی پول

ایران کے سپریم لیڈر آیت اللہ خامنہ ای نے ڈونالڈ ٹرمپ کے جھوٹ کو بے نقاب کیا ہے۔

ایران کے سپریم لیڈرآیت اللہ خامنہ ای نے جمعرات کے روزکہا کہ امریکی صدرڈونالڈ ٹرمپ نے ایرانی نیوکلیئرٹھکانوں پرامریکی حملوں کے اثرکو’بڑھا چڑھا‘ کربتایا ہے۔ آیت اللہ علی خامنہ ای نے یہ دعویٰ سیز فائرکے بعد دیئے گئے اپنے پہلے خطاب میں کیا ہے۔ ایران کی تین نیوکلیئرسہولیات فوردو، نتانزاوراصفہان پرامریکی بمباری کے بعد صدرڈونالڈ ٹرمپ نے کہا تھا کہ انہوں نے ایران کے نیوکلیئرپروگرام کوختم کردیا ہے اورایسا بس امریکہ ہی کرسکتا ہے۔ ساتھ ہی دھمکی دی کہ ایران بغیرکسی شرط کے سرینڈرکرے۔

اسرائیل کے خلاف ایران کی جیت کا دعویٰ

سرکاری ٹیلی ویژن پردیئے گئے خطاب میں انہوں نے اسرائیل پراپنے ملک کی ’جیت‘ کی تعریف کی اورامریکہ کے سامنے کبھی بھی خود سپردگی نہ کرنے کی قسم کھائی۔ ساتھ ہی انہوں نے دعویٰ کیا کہ ایران کے نیوکلیئر مقامات پرحملہ کرنے کے بعد واشنگٹن پرایک ’تھپڑ‘ پڑا ہے۔

جنگ بندی کے بعد آیت اللہ خامنہ ای کا پہلا خطاب

آیت اللہ علی خامنہ کا یہ تبصرہ جنگ بندی کے دو دن بعد آیا ہے، جس کے تحت ایران اوراسرائیل کے درمیان 12 دنوں تک چلی جنگ رک گئی تھی۔ جو تاریخ میں دونوں کے درمیان سب سے خطرناک اور تباہ کن ٹکراو تھا۔ انہوں نے اپنے ویڈیو پیغام میں 3 ایرانی جوہری تنصیبات پرامریکی ہوائی حملوں کے بارے میں بھی ذکرکیا۔ سپریم لیڈرآیت اللہ خامنہ ای نے کہا کہ امریکی حملوں سے ہمارے جوہری تنصیبات کوکچھ زیادہ نقصان نہیں ہوسکا ہے، لیکن ہم نے امریکی فوجی ٹھکانوں پرحملہ کرکے اس کے منہ پرطمانچہ لگا دیا ہے۔

’’ہمارے پیارے ایران کی جیت کے لیے مبارکباد‘‘

سپریم لیڈرآیت اللہ خامنہ ای کے ایکس ہینڈل سے کئے گئے ایک پوسٹ میں لکھا گیا ہے کہ امریکی حکومت پرہمارے پیارے ایران کی جیت کے لیے مبارکباد۔ امریکی حکومت نے براہ راست جنگ میں حصہ لیا، کیونکہ اسے لگا کہ اگر وہ ایسا نہیں کرتا تو صہیونی حکومت پوری طرح سے تباہ ہو جائے گی۔ حالانکہ اس جنگ سے اسے کچھ حاصل نہیں ہوا۔ یہاں بھی اسلامی جمہوریہ فتحیاب ہوا اور بدلے میں امریکہ کے چہرے پر زوردار طمانچہ لگا۔ یہ نیا بیان خامنہ ای کے ذریعہ سوشل میڈیا پر کی گئی اس پوسٹ کے کچھ دنوں بعد آیا ہے، جس میں انھوں نے کہا تھا کہ ایران کسی بھی حالت میں، کسی سے بھی، کسی بھی طرح کا استحصال قبول نہیں کرے گا، اور کسی کے آگے نہیں جھکے گا۔

بھارت ایکسپریس اردو۔

Nisar Ahmad