Israeli Attack:لبنان میں اسرائیلی حملے کے بعد امریکہ اور برطانیہ کا آیا بیان، ہونے جارہی ہے ایک نئی جنگ کی شروعات؟

اسرائیل نے جمعرات کو لبنان میں دہشت گرد گروپ حزب اللہ کے متعدد اہداف کو نشانہ بناتے ہوئے زبردست حملہ کیا۔ اسرائیل نے پچھلے تین دنوں میں لبنان کے اندر کئی حملے کیے ہیں ۔جن میں پیجر دھماکے اور واکی ٹاکی دھماکے شامل ہیں۔ جمعرات کو پہلی بار حزب اللہ ان حملوں کے حوالے سے ایک ٹیلی ویژن پر اسرائیل کی مذمت کر رہا تھا ۔ جیسے ہی  حزب اللہ کی تقریر ختم ہوئی ، اسرائیلی بم گرنے شروع ہوئے ۔ اسرائیلی حملوں میں 35 سے زائد افراد کی ہلاکت کی اطلاعات ہیں۔

آئی ڈی ایف کا کہنا ہے کہ وہ حزب اللہ کی دہشت گردانہ صلاحیتوں اور بنیادی ڈھانچے کو تباہ کرنے کے لیے لبنان میں حملے کر رہا ہے۔ IDF نے X-Post پر لکھا، “کئی دہائیوں سےحزب اللہ نے شہریوں کے گھروں کو ہتھیار بنایا ہے، ان کے نیچے سرنگیں کھودرکھی ہیں، اور شہریوں کو انسانی ڈھال کے طور پر استعمال کیا ہے۔” ایسے میں جنوبی لبنان ایک جنگی علاقے میں تبدیل ہو چکا ہے۔ اس میں کہا گیا ہے کہ ‘آئی ڈی ایف شمالی اسرائیل میں سلامتی لانے، رہائشیوں کو اپنے گھروں کو واپس جانے اور جنگ کے اہداف حاصل کرنے میں مدد کرنے کے لیے کام کر رہا ہے۔’

امریکہ نے سفارتی حل کی بات کی

ادھر امریکہ اور برطانیہ نے اسرائیل اور حزب اللہ سے تحمل سے کام لینے کی اپیل کی ہے۔ امریکہ نے سفارتی حل کا مطالبہ کرتے ہوئے کہا کہ اس کے ذریعے ہی جنگ بندی ممکن ہے۔ دوسری جانب برطانیہ نے کہا کہ اسرائیل اور حزب اللہ کے درمیان ‘فوری جنگ بندی’ ہونی چاہیے۔ خبر رساں ادارے روئٹرز نے وائٹ ہاؤس کی ترجمان کرائن جین پیئر کے حوالے سے کہا ہے کہ امریکہ ‘تناؤ میں ممکنہ اضافے سے خوفزدہ اور فکر مند ہے۔’

نئی جنگ کا خطرہ بڑھتا جا رہا ہے

جمعرات کا حملہ ایسے وقت میں ہوا جب حزب اللہ کے رہنما سید حسن نصر اللہ اس ہفتے کے شروع میں ایران کے حمایت یافتہ لبنانی گروپ کے خلاف بم دھماکوں کے بعد پہلی بار خطاب کر رہے تھے۔ خبر رساں ادارے روئٹرز کی رپورٹ کے مطابق جیسے ہی نشریات شروع ہوئیں، اسرائیلی لڑاکا طیاروں کی آوازیں آنے لگیں تھیں۔ اسرائیلی بمباری سے بیروت کی عمارتیں لرز اٹھیں۔ اس حملے کے بعد نئی جنگ کا امکان بڑھ گیا ہے۔

بھارت ایکسپریس