اداکار آدتیہ سنگھ راجپوت کی فائل فوٹو
TV actor Aditya found dead : مشہور ومعروف اداکار،ماڈل اور کاسٹنگ ڈائریکٹر آدتیہ سنگھ راجپوت کی پراسرار حالت میں موت واقع ہوگئی ہے۔ انہیں آج ممبئی میں واقع ان کی رہائش گاہ کے باتھ روم میں مردہ پایا گیا ہے۔ آدتیہ کے دوست کو گیارہویں منزل پر واقع ان کے روم میں آدتیہ کی لاش ملی ہے ۔ اس کے بعد آدتیہ کے دوست اور بلڈنگ کے واچ مین نے اس کواٹھاکر فوراً اسپتال پہنچایا جہاں اداکار کو مردہ قرار دے دیا گیا۔ ذرائع کا کہنا ہے کہ ایکٹر کی موت کے پیچھے ڈرگس کا زیادہ استعمال ہوسکتا ہے ۔
آپ کو بتادیں کہ آدتیہ سنگھ راجپوت انڈسٹری میں اچھی پہچان رکھتے تھے ۔ ان کا کنیکشن کئی بڑے لوگوں سے تھا۔ انہوں نے اپنے کریئر کی شروعات بطور ماڈل کی تھی ۔ کچھ ٹی وی شوز اور فلموں میں کام کرنے کے بعد انہوں نے اپنا برانڈ ‘پاپ کلچر’ شروع کردیا جس کے تحت وہ بطور کاسٹنگ ڈائریکٹر کام کررہے تھے ۔ انہوں نے کئی اداکاراوں کو انڈسٹری میں لانچ بھی کیا تھا۔ ایسے میں اداکار آدتیہ کی اچانک موت سے فلم انڈسٹری کو بڑا جھٹکا لگا ہے ۔ کسی بھی شخص کیلئے یہ یقین کرنا مشکل ہورہا ہے کہ نوجوان فلم اداکار اور کاسٹنگ ڈائریکٹر آدتیہ سنگھ راجپوت کی موت واقع ہوگئی ہے۔
دہلی کے رہنے والے آدتیہ سنگھ راجپوت کا ماڈلنگ کریئر کافی بہترین رہا تھا۔ انہوں نے ‘کرانتی ویر’ اور میں نے گاندھی کو نہیں مارا نامی فلموں میں کام بھی کیا تھا۔ اس کے علاوہ انہوں نے ٹی وی پر قریب 300 اشہارات بھی کئے ہیں ۔ ٹی وی شو سپلٹس وِلا میں بھی وہ نظرآچکے ہیں ۔ویب سریز ‘گندی بات’ میں بھی آدتیہ نے کام کیا تھا۔ گزشتہ کافی وقت سے آدتیہ سنگھ راجپوت ایک پروڈکشن ہاوس سے جڑے ہوئے تھے ۔ وہ کاسٹنگ کے کام پر زیادہ دھیان دے رہے تھے ۔ ممبئی کے گلیمر سرکٹ میں آدتیہ کی خاص پہچان تھی۔ وہ پارٹیوں اور پیز 3 ایونٹس میں اکثر نظرآتے تھے۔
آدتیہ سنگھ راجپوت نے اپنے کریئر کی شروعات 17 سال کی عمر میں کی تھی۔ اداکار کی پیدائش اور پرورش دہلی میں ہوئی ۔ حالانکہ ان کا خاندان اتراکھنڈ سے تھا۔ ان کے گھر میں والدین کے ساتھ ایک بڑی بہن ہیں، جو شادی کے بعد امریکہ شفٹ ہوگئی تھی۔ اسکول کی پڑھائی ختم کرنے کے بعد آدتیہ نے کئی مقابلہ ذاتی امتحانات دیئے، لیکن قسمت کو کچھ اور ہی منظور تھا ۔ ایسے میں انہوں نے ممبئی جاکر اپنا کریئر بنانا شروعات کیااور بہت کم وقت میں انہوں نے بڑی کامیابی حاصل کرلی۔
بھارت ایکسپریس۔
طالبان نے کئی سخت قوانین نافذ کیے ہیں اور سو سے زائد ایسے احکام منظور…
اداکارہ نینتارہ نے سوشل میڈیا پر لکھے گئے خط میں انکشاف کیا ہے کہ اداکار…
بہوجن وکاس اگھاڑی کے ایم ایل اے کشتیج ٹھاکر نے ونود تاوڑے پر لوگوں میں…
نارائن رانے کا یہ بیان ایسے وقت میں آیا ہے، جب مہاراشٹر حکومت الیکشن کے…
تفتیش کے دوران گل نے یہ بھی انکشاف کیا کہ اس نے بابا صدیقی کے…
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…