انٹرٹینمنٹ

Salman Khan Security:جان سے مارنے کی دھمکی کے بیچ دو نامعلوم شخص سلمان خان کے فارم ہاوس میں داخل،فرضی آدھار کارڈ برآمد

جب سے بالی ووڈ کے دبنگ سلمان خان کو لارنس بشنوئی گینگ کی جانب سے جان سے مارنے کی دھمکیاں موصول ہوئی ہیں، ان کی سیکیورٹی سخت کردی گئی ہے۔ کسی بھی قسم کی غلطی سے بچنے کے لیے اداکار ہر وقت سخت سیکیورٹی میں رہتے ہیں۔ اسی دوران ایک چونکا دینے والی خبر سامنے آئی ہے۔ پنویل میں دو لوگوں نے سلمان خان کے فارم ہاؤس میں زبردستی گھسنے کی کوشش کی ہے۔

اس سے پہلے کہ حالات مزید بگڑتے، دونوں کو سیکورٹی اہلکاروں نے روکا،اور پکڑ کر مقامی پولیس کے حوالے کر دیا۔ پولیس نے دونوں افراد کو گرفتار کر لیا ہے۔ ان کی سرگرمیوں کو مشکوک قرار دیا جا رہا ہے۔ لیکن ان دونوں نے خود کو سلمان خان کا مداح قرار دیا ہے۔ پولیس نے گرفتار افراد سے فرضی آدھار کارڈ برآمد کیے ہیں۔اس کے بعد شک مزید بڑھتا چلا جارہا ہے ۔ ممبئی پولیس اس پورے معاملے کو کافی باریکی سے دیکھ رہی ہے تاکہ یہ اندازہ لگایا جاسکے کہ یہ دونوں سلمان خان کے فین ہیں یا پھر کسی سازش کا حصہ ہیں ۔

سلمان خان کے فارم ہاؤس میں دو نامعلوم افراد کے داخل ہونے کا معاملہ اس لیے بھی سنگین ہے کیونکہ اداکار کو پچھلے کئی سالوں سے گینگسٹرز کی جانب سے جان سے مارنے کی دھمکیاں مل رہی ہیں۔ گینگسٹرز گولڈی برار اور لارنس بشنوئی نے دبنگ خان کو کھلی دھمکی دی ہے۔ وہ دو بار سلمان خان پر حملہ کرنے کی کوشش بھی کر چکے ہیں۔ویسے سلمان خان کو دھمکیاں ملنے کا سلسلہ 1998 سے جاری ہے۔ اسی سال کالے ہرن کے شکار کیس میں دبنگ خان کا نام آیا تھا۔ تب سے بشنوئی برادری میں سلمان خان کی مخالفت جاری ہے۔ یہ معاشرہ ان کی فلموں کا بائیکاٹ کرتا ہے۔

 گینگسٹر لارنس بشنوئی نے اداکار کو جان سے مارنے کی دھمکی دی تھی۔ اس نے پولیس تفتیش کے دوران سلمان خان کے قتل کی سازش کا انکشاف کیا تھا۔ لارنس نے اپنے جرم کا اعتراف کرتے ہوئے کہا تھا کہ اس نے اداکار کو قتل کرنے کا ٹھیکہ راجستھان کے گینگسٹر سمپت نہرا کو دیا تھا۔سمپت نے اداکار کے گھر کی ریکی بھی کی تھی۔ سمپت کے پاس حملہ کرنے کے لیے پستول تھا، اس سے وہ زیادہ دور تک گولی نہیں چلا سکتا تھا۔ اس لیے اس نے اپنے گاؤں کے دنیش فوجی سے سپرنگ رائفل منگوائی تھی۔ یہ رائفل 3-4 لاکھ روپے میں خریدی گئی تھی۔ لیکن سلمان خان پر حملہ کرنے سے پہلے سمپت نہرا کو پولیس نے گرفتار کر لیا تھا۔

بھارت ایکسپریس۔

Rahmatullah

Recent Posts

Baba Siddiqui Murder Case: بابا صدیقی قتل کیس کا ایک اور ملزم ناگپور سے گرفتار، ممبئی میں ہوگی سمیت سے تفتیش

تفتیش کے دوران گل نے یہ بھی انکشاف کیا کہ اس نے بابا صدیقی کے…

32 minutes ago

PM Modi’s Gifts: عالمی رہنماوں کو پی ایم مودی کے تحفے: عالمی سفارت کاری میں ہندوستان کے ثقافتی ورثے اہم نمائش

وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…

2 hours ago

Delhi LG VK Saxena showers Praise on CM Atishi: ایل جی وی کے سکسینہ نے وزیراعلیٰ آتشی کی تعریف کی، کیجریوال سے بھی بہتر قرار دیا

دہلی میں عام آدمی پارٹی کی حکومت اور نوکر شاہی پر کنٹرول سے متعلق کئی…

2 hours ago

اب نوجوانوں کے ہاتھوں میں ہندوستان کا مستقبل، خوشحالی اور پائیداری کے میدان میں کریں قیادت: ڈاکٹر راجیشور سنگھ

ڈاکٹر راجیشور سنگھ نے ملک کو دنیا کی تیسری سب سے بڑی معیشت بنانے اور…

2 hours ago