Actress and Producer Richa Chadha: ریچا چڈھا کا اندھا اعتماد، اسی انسان نے دیا دھوکہ، زندگی بھر کا سبق

نئی دہلی :اداکارہ اور پروڈیوسر ریچا چڈھا نے اپنے کیریئر کے ابتدائی دنوں میں ایک کڑوا تجربہ شیئر کیا ہے۔ انہوں نے بتایا کہ جس شخص پر وہ بہت بھروسہ کرتی تھیں، اس نے ان کے مفادات کے خلاف کام کیا اور انہیں دھوکہ دیا۔ اس واقعے سے ریچا نے سیکھا کہ ہر کوئی آپ کی پرواہ یا آپ کے بارے میں نہیںسوچ سکتا اور ہر کوئی ہمیشہ آپ کے حق میں کام نہیں کرتا۔ریچا چڈھانے کہا، “اپنے کیریئر کی شروعات میں مجھے یہ کڑوا سبق ملا کہ ہر کوئی آپ کے بارے میں نہیں سوچ سکتا۔ میں معصوم تھی۔ کچھ لوگ معمولی فرق سے بھی خطرہ محسوس کرتے ہیں اور نہیں چاہتے کہ آپ ان سے آگے نکل جائیں یا ان کی توجہ چھین لیں۔” اس تجربے نے انہیں یہ سکھایا کہ اپنی پسند کا دفاع کریں اور صحیح لوگوں پر بھروسہ کریں۔

اداکارہ اور پروڈیوسر ریچا چڈھا نے فلم میکرز کی حوصلہ افزائی کرتے ہوئے کہا کہ وہ بلا جھجک ان سے رابطہ کریں۔ عام خیال ہے کہ بڑے اداکاروں سے رابطہ کرنا مشکل ہے، لیکن ریچا چڈھا نے اس بات کی نفی کی اور کہا کہ ان کے لیے صرف اچھی اسکرپٹ، عمدہ تحریر اور کہانی کی اہمیت ہے۔ انہوں نے کہا، “میں ہمیشہ صحیح کہانیوں کا حصہ بننا چاہتی ہوں۔”ریچا چڈھانے ابتدائی دنوں میں کم قدر کیے جانے کا بھی ذکر کیا اور چاہتی ہیں کہ فلم انڈسٹری تخلیق کار بلا جھجک اچھے کردار اور کہانیوں کے لیے رابطہ کریں۔

ریچا چڈھا اس وقت ایک نئی نان فکشن سیریز پر کام کر رہی ہیں، جس کا مقصد ناظرین کو جانی پہچانی جگہوں کو نئی نظر سے دیکھنے کی ترغیب دینا اور کم معروف کہانیوں کے ذریعے بھارت کی ثقافتی گہرائی اور انسانی جذبے کو اجاگر کرنا ہے۔ یہ سیریز سفر، ثقافت اور بھارت کے مختلف لوگوں اور جگہوں کی کہانیوں پر مبنی ہوگی، اور ناظرین کو آج کے نقطہ نظر سے ثقافت کا زندہ اور مکمل تجربہ فراہم کرے گی۔

بھارت ایکسپریس اردو