Ameen Sayani Death: ریڈیو کی دنیا کے مشہور ریڈیو جاکی (آرجے) امین سیانی کا 91 سال کی عمرمیں انتقال ہوگیا۔ امین سیانی نے منگل (20 فروری) کو دیر شام ممبئی واقع ایچ این ریلائنس فاؤنڈیشن اسپتال میں آخری سانس لی۔ امین سیانی کو دل کا دورہ پڑنے کے بعد اسپتال میں داخل کرایا گیا تھا۔ امین سیانی کے انتقال سے انٹرٹینمنٹ کی دنیا میں غم کی لہر دوڑ گئی ہے۔
ہارٹ اٹیک سے ہوا امین سیانی کا انتقال
امین سیانی کے بیٹے نے جانکاری دیتے ہوئے بتایا کہ ان کے والد منگل کو جنوبی ممبئی واقع گھرپرتھے۔ تبھی تقریباً شام 6 بجے دل کا دورہ پڑا تھا، جس کے بعد انہیں فوراً ایچ این ریلائنس فاؤنڈیشن اسپتال میں داخل کرایا گیا، جہاں ڈاکٹروں نے تھوڑی دیربعد انہیں مردہ قرار دے دیا۔
سنگین بیماریوں سے جدوجہد کر رہے تھے امین سیانی
امین سیانی کئی سنگین بیماریوں سے کافی دنوں سے جدوجہد کر رہے تھے۔ گزشتہ 12 سال سے امین سیانی پیٹھ کے درد سے پریشان تھے، جس کی وجہ سے انہیں چلنے میں کافی پریشانیاں ہوتی تھیں اور واکر کی مدد سے چلتے پھرتے تھے۔
لمکا بکس آف ریکارڈ میں درج ہے نام
امین سیانی ریڈیو سلون اوراس کے بعد وودھ بھارتی سے تقریباً 42 سالوں تک وابستہ رہے۔ اس دوران ہندی گیتوں کا ان کا پروگرام بناکا گیت مالا نے کامیابی کی کئی منزلوں پرپہنچے۔ اس پروگرام کو سننے سے لوگ بیتاب رہتے تھے۔ اس پروگرام کے ذریعہ امین سیانی ریڈیو کی دنیا کے بے تاج بادشاہ بن گئے تھے۔
امین سیانی کے نام پر 54 ہزار سے زیادہ ریڈیو پروگرام/کمپیئر/ وائس اوور کرنے کا ریکارڈ درج ہے۔ اس کے علاوہ امین سیانی نے 19 ہزارجنگلس کے لئے اپنی آواز دی، جس کے لئے ان کا نام لمکا بکس آف ریکارڈس میں درج ہوا تھا۔ امین سیانی نے بالی ووڈ کی کئی فلموں میں اناؤنسر کے طور پر بھی کام کیا تھا۔
بھارت ایکسپریس۔
ڈاکٹر راجیشور سنگھ نے ملک کو دنیا کی تیسری سب سے بڑی معیشت بنانے اور…
لندن میں امریکی سفارت خانہ نے کہا کہ مقامی افسرلندن میں امریکی سفارت خانہ کے…
ایڈوکیٹ وجے اگروال نے اس کیس کا ہندوستان میں کوئلہ گھوٹالہ اور کینیڈا کے کیسوں…
بی جے پی لیڈرونود تاؤڑے نے ووٹنگ والے دن ان الزامات کوخارج کرتے ہوئے کہا…
سپریم کورٹ نے ادھیاندھی اسٹالن کو فروری تک نچلی عدالت میں حاضری سے استثنیٰ دیتے…
آسٹریلیا کو ابھی تک پانچ وکٹ کا نقصان ہوچکا ہے۔ محمد سراج نے مچل مارش…