Poonam Pandey’s Fake Death Case: فرضی ڈیتھ اسٹنٹ کرنے پر پونم پانڈے پر ہتک عزت کا مقدمہ درج، ہوسکتی ہے یہ سزا

Poonam Pandey: بی ٹاون اداکارہ پونم پانڈے سے متعلق گزشتہ وقت سے کافی سرخیوں میں تھیں۔ اس ماہ کی شروعات میں پونم پانڈے نے سروائیکل کینسر سے موت کی فرضی افواہ پھیلا کر سنسنی مچا دی تھی۔ تاہم اگلے ہی دن پونم پانڈے نے اس بات کی جانکاری بھی دی۔ انہوں نے سروائیکل کینسرکے خلاف بیداری پیدا کرنے کے لئے ایک پبلک سٹی اسٹنٹ کیا۔ اب خبرآرہی ہے کہ اس معاملے سے متعلق پونم پانڈے اوران کے شوہرسیم بامبے کے خلاف 100 کروڑ روپئے کا ہتک عزت کا مقدمہ درج کرا دیا گیا ہے۔

قابل ذکرہے کہ پونم پانڈے اوران کے شوہرسیم بامبے اب قانونی لڑائی میں پھنس گئے ہیں۔ ان پر100 کروڑ روپئے کا ہتک عزت کا معاملہ دائرکیا گیا ہے۔ ممبئی کے رہنے والے فیضان انصاری نے 100 کروڑ روپئے کا ہتک عزت کا معاملہ درج کرایا ہے۔ اس میں جوڑے پر ’موت کی جھوٹی سازش‘ کرنے اوراس سے کینسرجیسی سنگین بیماری کے ذریعہ پبلسٹی جمع کرنے کا الزام لگایا ہے۔

بالی ووڈ کی ایمیج کی اڑائی دھجیاں

اپنی ایف آئی آر میں فیضان انصاری نے الزام لگایا ہے کہ پونم پانڈے اوران کے شوہرسیم بامبے نے پبلسٹی حاصل کرنے کے لئے کینسرجیسی سنگین بیماری سے متعلق لوگوں میں سنجیدگی کم کرنے اورڈرامہ کرنے کا کام کیا گیا ہے۔ فیضان انصاری نے شکایت میں لکھا ہے کہ پونم پانڈے نے اپنی ان حرکتوں سے نہ صرف کروڑوں ہندوستانیوں کا اعتماد توڑا ہے بلکہ بالی ووڈ کے بے حساب لوگوں کی شبیہ کو بھی خراب کرنے کا کام کیا ہے۔

گرفتاری وارنٹ جاری کرنے کی اپیل