Pakistani Actress Humaira Asghar Death:معاشی تنگی یا کوئی دوسری وجہ، کیسے گئی پاکستانی اداکارہ حمیرا اصغرکی جان؟ یہاں جانئے پوری تفصیل

پاکستانی اداکارہ ماڈل اورفٹنس ٹرینرحمیرا اصغرعلی کا انتقال ہوگیا ہے۔ منگل، 8 جولائی 2025 کوکراچی کے ڈیفنس ہاؤسنگ اتھارٹی فیز- کے اتحاد کمرشیل علاقے کے اپارٹمنٹ میں ان کی لاش ملی۔ 32 سال کی حمیرا کی لاش سڑنے کی صورتحال میں ملی۔ اس حادثہ سے پاکستانی تفریحی دنیا میں غم کی لہر ہے۔

فینس کے چہرے پر چھائی مایوسی

پاکستانی اداکارہ حمیرا اصغرعلی کی موت پراداکارعدنان صدیقی ماؤرا حوکین اورحنا الطاف جیسے ستاروں نے سوشل میڈیا پراظہارتعزیت پیش کی ہے۔ ساتھ ہی انہوں نے گھرمیں اکیلے رہنے والوں کی دیکھ بھال کرنے کی اپیل کی ہے۔ وہیں، حمیرا کی  بے وقت موت سے ان کے فینس میں مایوسی اورماتم کا ماحول ہے۔

تقریباً دو ہفتے پہلے ہوگئی تھی موت

ایسی قیاس آرائی کی جارہی ہے کہ حمیرا اصغر کی موت تقریباً دوہفتے پہلے ہوگئی تھی۔ پولیس کے مطابق، مکان مالک نے انہیں کرایہ نہ ادا کرنے کی وجہ سے اپارٹمنٹ خالی کرنے کے لئے عدالت سے حکم لیا تھا۔ منگل کے روزدوپہرپولیس نے اپارٹمنٹ کا دروازہ باربارکھٹکھٹایا گیا۔ جب کوئی جواب نہیں ملا، تب دروازہ توڑا گیا۔ کمرے میں حمیرا کی لاش ملی، جو کافی حد تک سڑ چکی تھی۔

معاملے میں پولیس نے دی جانکاری

اس معاملے میں ڈپٹی انسپکٹر جنرل سید اسد رضا نے جانکاری دی۔ انہوں نے بتایا کہ ابتدائی جانچ میں کوئی مجرمانہ سرگرمیوں کے اشارہ نہیں ملا ہے۔ فی الحال اسے  قدرتی موت مانا جا رہا ہے۔ لاش کو قبضے میں لے کر پوسٹ مارٹم کے لئے جناح میڈیکل سینٹر بھیجا گیا ہے۔ پوسٹ مارٹم رپورٹ آنے پر معاملے کی صحیح وجہ معلوم ہوسکے گی۔

جانئے کن ریئلٹی فلموں اور شو میں حمیرا نے کیا کام؟

آپ کو بتا دیں کہ حمیرا اصغر نے اے آر وائی ڈیجیٹل کے ریئلٹی شوتماشا گھر، جو بگ بردر اور بگ باس جیسا ہے، اس میں بھی کام کیا۔ وہیں، سال 2015 میں آئی فلم جلیبی میں بھی انہوں نے شاندارکام کیا۔ اس کے علاوہ انہوں نے احسان فراموش اورگروجیسے ڈراما سیریلس میں بھی کام کیا تھا۔ انسٹا پر بھی 7 لاکھ سے زیادہ ان کے فالورس تھے۔ انسٹا پروہ فیشن، فٹنس سے متعلق پوسٹ بھی کیا کرتی تھیں۔ سال 2023 میں انہیں بیسٹ ایمرجنگ ٹیلنٹ اینڈ رائزنگ اسٹار کے لئے نیشنل وویمن لیڈر شپ ایوارڈ سے بھی سرفراز کیا گیا تھا۔

اپارٹمنٹ میں ہوئی تھی موت

جانکاری کے مطابق، جس اپارٹمنٹ میں حمیرا کی موت ہوئی ہے، وہ اس میں گزشتہ 7 سال سے اس میں اکیلے رہ رہی تھیں۔ سال 2024 سے انہوں نے اپارٹمنٹ کا کرایہ دینا بند کردیا تھا۔ وہیں، منگل کو جب پڑوسیوں کو ان کے اپارٹمنٹ سے بدبو آئی، تب انہوں نے پولیس کو مطلع کیا۔ پولیس کے آنے کے بعد ان کی موت کی بات سامنے آئی۔ فی الحال پولیس نے لوگوں سے کسی طرح کی افواہ سے بچنے کا مشورہ دیا ہے۔

کیا ہے معاشی بحران کی وجہ؟

وہیں، اس حادثہ سے متعلق کچھ لوگوں کا کہنا ہے کہ پاکستان کی اقتصادی حالت خستہ ہے۔ پاکستانی اداکارہ کی موت کی ایک وجہ معاشی بحران بتائی جارہی ہے، کیونکہ اداکارہ سال 2024 سے اپارٹمنٹ کا کرایہ تک نہیں دے پا رہی تھیں۔