Tiger 3: قطر اور عمان میں ، ‘سلمان خان کی ‘ٹائیگر 3’ پر پابندی! کٹرینہ کیف کی ‘ٹاول فائٹ ہے کیا اس کی وجہ

Tiger 3: شائقین  کو کافی عرصے سے سلمان خان اور کٹرینہ کیف کی سب سے زیادہ منتظر اسپائی تھرلر فلم ‘ٹائیگر 3’ کا انتظار تھا۔ فلم اس دیوالی پر 12 نومبر کو ریلیز ہونے والی ہے۔ لیکن مشرق وسطیٰ میں رہنے والے سلمان اور کٹرینہ کیف کے مداحوں کے لیے بری خبر ہے۔ دراصل خبریں آ رہی ہیں کہ عمان، کویت اور قطر میں ‘ٹائیگر 3’ کی نمائش پر پابندی لگا دی گئی ہے۔ قابل ذکر بات یہ ہے کہ کوئی سرکاری اپ ڈیٹ نہیں آیا ہے۔

باکس آفس اپ ڈیٹ دینے والے اور فلم ٹریکر جارج نے اپنے آفیشل ایکس اکاؤنٹ پر پوسٹ کرکے یہ جانکاری دی ہے۔ انہوں نے لکھا- کہا جا رہا ہے کہ اسلامی ممالک اور کیریکٹر کو منفی انداز میں دکھانے کی وجہ سے قطراور عمان میں ‘ٹائیگر 3’ پر پابندی لگائی گئی ہے۔ قابل ذکر بات یہ ہے کہ  کچھ لوگوں کا کہنا ہے کہ یہ پابندی فلم میں کترینہ کیف کے ‘ٹاول فائٹ’ سین کی وجہ سے لگائی گئی ہے۔

اکشے کمار کی فلم  پر بھی پابندی لگا ئی جاچکی ہے

اس سے پہلے اکشے کمار کی فلم ’سمراٹ پرتھویراج‘ پر بھی ایسی پابندی لگ چکی ہے۔ سال 2022 میں ریلیز ہونے والی ‘سمراٹ پرتھویراج’ ایک تاریخی ڈرامہ فلم تھی ۔جس پر تاریخ کو مسخ کرنے اور مسلم کمیونٹی کے جذبات کو ٹھیس پہنچانے کا الزام لگایا گیا تھا۔ اب ‘ٹائیگر 3’ کے بارے میں بھی ایسے ہی دعوے کیے جا رہے ہیں۔

یہ بھی پڑھیں :بیرونی آلودگی اوراندرونی آلودگی سے پیدا ہونے والی بیماریاں، جو موت کا سبب بنتی ہیں جانیں کس سے زیادہ موت ہورہی ہیں؟

کترینہ کی ‘ٹاول فائٹ’ بڑھایا جوش

‘ٹائیگر 3’ سلمان خان کی ایک تھا ٹائیگر اور ٹائیگر زندہ ہے کا سیکوئل ہے۔ اس فلم میں ایک طرف سلمان خان اسٹنٹ کرتے نظر آئیں گے تو دوسری جانب کٹرینہ کیف کے ایکشن سین اسکرین پر دھوم مچا دیں گے۔ ٹریلر میں نظر آنے والی اداکارہ کی ‘ٹاؤل فائٹ ‘ نے شائقین  کے جوش میں پہلے ہی اضافہ کر دیا ہے۔ اب شائقین کو فلم کی ریلیز کا بے صبری سے انتظار ہے۔

بھارت ایکسپریس