Raghav Chadha and Parineeti Chopra Engagement Ceremony: راگھو چڈھا- پرنیتی چوپڑا کی منگنی میں لیڈران کا مجمع، کیجریوال سے لے کر پی چدمبرم تک ہوئے شامل

یہ محض ایک اتفاق ہے کہ جالندھر لوک سبھا ضمنی الیکشن کا نتیجہ دیکھ کر ہفتہ کے روز عام آدمی پارٹی کے حق میں آنے پر پارٹی کے پنجاب انچارج اور راجیہ سبھا رکن پارلیمنٹ راگھو چڈھا کو سیاسی جشن میں شامل ہونا چاہئے تھا، مگراسی دن وہ بالی ووڈ اداکارہ پرنیتی چوپڑا سے منگنی کے بندھن میں بندھ گئے۔ پرنیتی چوپڑا، پرینکا چوپڑا جوناس کی بہن ہیں۔ کپورتھلا ہاؤس (راگھو-پرنیتی) کی منگنی کا گواہ بنا۔ یہ دہلی میں کبھی کپورتھلا کے مہاراجہ پرمجیت سنگھ کا محل ہوا کرتا تھا۔ اب پنجاب کے گورنر اور وزیراعلیٰ کی سرکاری رہائش گاہ ہے۔

بالی ووڈ کے پسندیدہ ڈیزائنر منیش ملہوترا نے ڈارٹ کیا اور پرنیتی کی ان کی تیار کی ہوئی ایویننگ ڈریس میں پہنچیں۔ بالی ووڈ اور سیاسی شخصیات کی بھیڑ کا انتظار کر رہے پپراجی کے لئے تاج محل ہوٹل سے سڑک کے پار لٹینس دہلی کے اس پُرامن حصے میں شام ہوتے ہی تقریب کا آغاز ہوا۔ یہاں راگھو چڈھا-پرنیتی چوپڑا کے اہل خانہ اورقریبی دوستوں کے لئے اہم موقع تھا۔

پرینکا چوپڑا صبح ممبئی سے پرواز بھرنے کے بعد دی لودھی ہوٹل میں اپنی بہن کے ستھ تھیں، اپنی کار سے وکٹرسائن دکھاتے ہوئے جیپ میں آئیں۔ بعد میں وہ ریڈ کارپیٹ پرچلیں۔ ایک کورسیٹ کے ساتھ اپنی نین ہری ساڑی-گاؤن پہنے ہوئی تھیں۔

ان کے پہنچنے سے پہلے راجیہ سبھا میں راگھو چڈھا کے سینئررکن، دونوں ایوان میں مغربی بنگال کی نمائندگی کرنے والے اراکین پارلیمنٹ، سپریم کورٹ کے وکیل اور کانگریس ترجمان ابھیشیک منو سنگھوی، ان کی اہلیہ اورصوفی گلوکارہ انیتا سنگھوی، ٹی ایم سی رکن پارلیمنٹ اورسابق کوئزماسٹر ڈیرک اوبرائن بھی اپنی اہلیہ ڈاکٹر تونوکا بسو کے ساتھ اندرآئے اور فوٹو گرافرس کے لئے خوشی خوشی پوز دیئے۔ ابھیشیک منو سنگھوی نے پیپربیگ بھی دکھایا، جس میں وہ جوڑے کے لئے تحائف لے جا رہے تھے۔

سیاسی شخصیات کا مجمع

سب سے پہلے پنجاب کے وزیراعلیٰ بھگونت مان اپنی اہلیہ ڈاکٹرگرپریت کور کے ساتھ آئے۔ دہلی کے وزیراعلیٰ اروند کیجریوال اپنی اہلیہ سنیتا کیجریوال کے ساتھ، شیو سینا (یوبی ٹی) کے لیڈراورادھو ٹھاکرے کے بیٹے آدتیہ ٹھاکرے بھی پہنچے۔ سابق وزیرمالیات اور کانگریس کے راجیہ سبھا رکن پارلیمنٹ پی  چدمبرم کرناٹک میں پارٹی کی جیت کے بعد اپنے ٹی وی پروگرام سے نکل کرسیدھے یہیں پہنچے۔ دیگر مہمانوں میں عام آدمی پارٹی کے قومی ترجمان اور راجیہ سبھا رکن پارلیفمنٹ سنجے سنگھ اور میگھالیہ کے سابق وزیراعلیٰ مکل سنگما بھی شامل تھے۔ بعد میں شام کو کیجریوال، بھگونت مان، سنجے سنگھ، پرینکا چوپڑا اور راگھو چڈھا-پرنیتی چوپڑا نے گروپ فوٹو کے لئے پوز دیا۔