Shireen Mirza remarks: مشہور اداکارہ شیریں مرزا کا بڑا بیان، مسلم ہونے کی وجہ سے ممبئی میں نہیں ملا تھا گھر

اداکارہ شیریں مرزا آج کے دور میں ایک جانا پہچانا نام ہے۔ انہیں اپنے پہلے شو سے ہی شہرت مل گئی تھی۔ اگرچہ اس شو میں ان کا کردار لیڈ نہیں تھا لیکن یہ بہت اہم تھا۔ اس شو میں انہوں نے اداکارہ دیویانکا ترپاٹھی کی بھابھی کا کردار ادا کیاتھا۔ گرچہ شیریں مرزا کو یہ شو کافی طویل جدوجہد کے بعد ملاتھا۔

اس طرح شیریں کو اپنا پہلا شو ملا

رپورٹ کے مطابق انہوں نے اپنی جدوجہد کے دنوں کے بارے میں بتاتے ہوئے کہا کہ میں نے “یہ ہے محبتیں” شوملنے سے پہلے چار سال تک جدوجہد کی۔ یہاں تک کہ میں نے گھر (جے پور) واپس جانے کے لیے اپنے بیگ پیک کر لیے تھے۔  مجھے اپنے قد کی وجہ سے کوئی شو نہیں مل رہا تھا۔ لیکن پھر مجھے بالاجی ٹیلی فلمز کا فون آیا۔ چونکہ  وہ ایک ایسی لڑکی چاہتے تھے جو پنجابی لڑکی جیسی ہو اور اسی طرح مجھے اپنا پہلا ڈیلی شو ملا۔ ”یہ ہے محبتیں” کی آفر ملنے کی سب سے اہم وجہ میرا قد تھا۔

جب مسلمان اور ایکٹر ہونے کی وجہ سے گھر نہیں ملا

شیریں مرزانے بتایا کہ انہیں ممبئی میں گھر تلاش کرنے میں کافی مشکلات کا سامنا کرنا پڑا۔ انہوں نے ایک پوسٹ میں لکھا، ‘میں ممبئی میں گھر کی مستحق نہیں ہوں کیونکہ میں ایم بی اے (مسلم بیچلر-اداکار) ہوں۔ 8 سال گزارنے کے بعد اب مجھے یہ سننے کو مل رہا ہے۔ انہوں نے مزید کہا کہ  ہاں ، میں ایک اداکارہ ہوں۔ میں تمباکو نوشی اور شراب نہیں پیتی۔ میرا کوئی مجرمانہ ریکارڈ بھی نہیں ہے۔ پھر وہ میرے پیشے کی وجہ سے مجھے کیسے جج کر سکتے ہیں۔ میں ممبئی کو دیکھ کر حیران ہوں جس نے مجھے اتنا کچھ دیا ہے۔ میں ممبئی کو امچی ممبئی کہہ کر اس کی تعریف کرتی رہتی ہوں۔ لیکن پھر بھی ممبئی میں میرے لیے کوئی جگہ نہیں ہے۔ شہر کے باہر سے آنے والے ہم جیسے بہت سے لوگ ابھی تک جدوجہد کر رہے ہیں۔

بھارت ایکسپریس۔