Rahul Gandhi Visit Parbhani: مہاراشٹر پہنچنے پر راہل گاندھی کا بڑا دعویٰ، سومناتھ سوریہ ونشی کے قتل کے ذمہ دار ہیں سی ایم فڑنویس

Rahul Gandhi Visit Parbhani: مہاراشٹر کے تشدد سے متاثرہ پربھنی کا دورہ کرنے کے بعد لوک سبھا میں اپوزیشن لیڈر راہل گاندھی نے مہاراشٹر حکومت پر شدید حملہ کیا۔ راہل گاندھی نے کہا کہ وہ سومناتھ سوریہ ونشی اور ان کے خاندان کے ممبران سے ملے جو تشدد کا شکار ہوئے تھے۔ راہل گاندھی نے پربھنی کیس میں پوسٹ مارٹم رپورٹ، ویڈیو اور تصویریں بھی دیکھیں، جس کے بارے میں انہوں نے کہا کہ یہ 100 فیصد ظاہر کرتا ہے کہ موت حراست میں ہی ہوئی ہے۔ ان کا قتل کیا گیا ہے اور وزیر اعلیٰ فڑنویس نے اسمبلی میں جھوٹ بولا ہے۔ راہل گاندھی نے دعویٰ کیا کہ مہاراشٹر کے وزیر اعلی دیویندر فڑنویس اس تشدد کے ذمہ دار ہیں۔

پربھنی کا دورہ کرنے کے بعد راہل گاندھی نے کہا، ’’میں نے مارے گئے اور پٹائی کئے گئے خاندانوں سے ملاقات کی ہے۔ انہوں نے مجھے پوسٹ مارٹم رپورٹ، ویڈیو، تصویریں دکھائیں۔ اس سے ظاہر ہوتا ہے کہ 100% موت حراست میں ہونے کے دوران ہوئی ہے۔ اسے قتل کیا گیا ہے اور وزیراعلیٰ نے پولیس کو پیغام دینے کے لیے اسمبلی میں جھوٹ بولا۔ اس نوجوان کو اس لیے قتل کیا گیا کہ وہ دلت تھا اور آئین کی حفاظت کر رہا تھا۔“

آر ایس ایس کا نظریہ آئین کو تباہ کرنا ہے

راہل گاندھی نے مزید کہا، ’’آر ایس ایس کا نظریہ آئین کو تباہ کرنا ہے۔ ہم چاہتے ہیں کہ اس معاملے کو فوری طور پر حل کیا جائے اور جن لوگوں نے یہ کیا ہے انہیں سزا دی جائے۔ کوئی سیاست نہیں ہو رہی نظریہ ذمہ دار ہے، کیونکہ وزیر اعلیٰ نے یہ بیان دیا ہے، اس لیے وزیر اعلیٰ ذمہ دار ہیں، ان کا قتل کرنے والے ذمہ دار ہیں اور جلد از جلد کارروائی ہونی چاہیے۔“

یہ بھی پڑھیں- UP News: موہن بھاگوت کے بیان پر اکھلیش یادو نے کہا – اگر وہ سی ایم کو ایک کال بھی کریں تو تنازع نہیں ہوگا

وزیراعلیٰ نے 10 لاکھ روپے کی امداد دینے کی بات کی

ریاست کے وزیر اعلی دیویندر فڑنویس نے بیڈ میں مارے گئے سرپنچ اور پربھنی میں پولیس حراست میں مرنے والے لاء کے دلت طالب علم کے واقعہ کو افسوس ناک قرار دیا ہے۔ انہوں نے کہا ہے کہ بیڈ میں سرپنچ کے قتل کی دوہری جانچ کی جائے گی اور ملزمین کے خلاف مکوکا کے تحت کارروائی کی جائے گی۔ وزیر اعلیٰ نے یہ بھی اعلان کیا کہ بیڈ میں مارے گئے سرپنچ سنتوش دیش مکھ اور پربھنی میں مارے گئے سومناتھ سوریہ ونشی کے اہل خانہ کو 10 لاکھ روپے کی امداد دی جائے گی۔

-بھارت ایکسپریس